TNPL முதல் தகுதிச்சுற்று போட்டியில் சேப்பாக் சூப்பர் கில்லீஸ் அணி வெற்றி பெற்று, இறுதிப்போட்டிக்கு முன்னேறியுள்ளது. TNPL கிரிக்கெட் தொடரின் முதல் தகுதிச்சுற்று போட்டியில் நெல்லை ராயல் கிங்ஸ் – சேப்பாக் சூப்பர் கில்லீஸ் அணிகள் மோதின. டாஸ் வென்ற சேப்பாக் சூப்பர் கில்லீஸ் அணி பந்துவீச்சை தேர்வு செய்தது. இதனையடுத்து முதலில் ஆடிய நெல்லை அணி, 20 ஓவர்களில் அனைத்து விக்கெட்டுகளையும் இழந்து 140 ரன்கள் எடுத்தது.
![](https://sathiyam.tv/wp-content/uploads/2022/07/web3-2-1024x683.jpg)
இதைதொடர்ந்து 141 ரன்கள் எடுத்தால் வெற்றி என்ற இலக்குடன் களம் இறங்கிய சேப்பாக் கில்லீஸ் அணியில், ஜெகதீசன், ராதாகிருஷ்ணன் அடுத்தடுத்து டக் அவுட்டாகி அதிர்ச்சி அளித்தனர்.
இருப்பினும் கவுசிக் காந்தி, சாய் கிஷோர் சிறப்பான ஆட்டத்தை வெளிப்படுத்தினர். இதனால் சேப்பாக் அணி 4 பந்துகள் எஞ்சியிருந்த நிலையில், இலக்கை எட்டி, 5 விக்கெட் வித்தியாசத்தில் வெற்றி பெற்றது. இந்த வெற்றியின் மூலம் சேப்பாக் சூப்பர் கில்லீஸ் அணி இறுதிப்போட்டிக்கு முன்னேறியுள்ளது