மோடி என்ற பெயர் குறித்து அவதூறாக பேசியதாக தொடரப்பட்ட வழக்கில், காங்கிரஸ் தலைவர் ராகுல் காந்தி, சூரத் நீதிமன்றம் 2 ஆண்டுகள் சிறை தண்டனை விதித்தது.
இதனால், ராகுல் காந்தியின் வயநாடு தொகுதி மக்களவை உறுப்பினர் பதவி பறிக்கப்பட்டது. ராகுல் காந்தி, தனக்கு வழங்கப்பட்ட 2 ஆண்டுகள் சிறை தண்டனையை எதிர்த்து சூரத் நீதிமன்றத்தில் மேல்முறையீடு செய்தார். இந்த வழக்கை விசாரித்த சூரத் நீதிமன்றம், ராகுல் காந்தியின் மேல்முறையீடு மனுவை தள்ளுபடி செய்தது. இதைதொடர்ந்து அவதூறு வழக்கில் 2 ஆண்டுகள் சிறை தண்டனையை எதிர்த்த, குஜராத் உயர் நீதிமன்றத்தில் ராகுல் காந்தி மேல்முறையீடு செய்தார்.
இந்த மனு கடந்த 29ஆம் தேதி விசாரணைக்கு வந்த நிலையில், வழக்கு விசாரணை மே 2ஆம் தேதிக்கு ஒத்திவைக்கப்பட்டது. அதன்படி, அவதூறு வழக்கில் 2 ஆண்டுகள் சிறை தண்டனைக்கு எதிரான, ராகுல் காந்தியின் மேல்முறையீட்டு வழக்கு இன்று விசாரணைக்கு வருகிறது.
