தீபாவளி பண்டிகை மற்றும் சுபமுகூர்த்த நாட்கள் நெருங்கி வருவதால் தங்கத்தின் விலை தொடர்ந்து உயரும் என எதிர்பார்க்கப்பட்டது. கடந்த சில நாட்களாக தங்கம் விலை ஏற்ற இறக்கத்துடன் காணப்பட்டது.
கடந்த 26-ந்தேதி சவரனுக்கு ரூ.120 உயர்ந்து ரூ.1,04,680-க்கும், 27-ந்தேதி ரூ.400 உயர்ந்து ரூ.1,05,080-க்கும் விற்பனையானது. தொடர்ந்து 28-ந்தேதி சவரனுக்கு ரூ.480 உயர்ந்து ரூ.1,05,560-ஐ எட்டியது. நேற்று விலையில் எந்த மாற்றமும் இல்லாமல் அதே விலைக்கு விற்பனை செய்யப்பட்டது.
இந்நிலையில், இன்று தங்கம் விலை அதிரடியாக குறைந்துள்ளது. ஒரு கிராமுக்கு ரூ.155 குறைந்து ரூ.13,040-க்கும், ஒரு சவரனுக்கு ரூ.1,240 குறைந்து ரூ.1,04,320-க்கும் விற்பனை செய்யப்படுகிறது. இதனால் நகை வாங்கத் திட்டமிட்டிருந்த பொதுமக்கள் மகிழ்ச்சி அடைந்துள்ளனர்.
தங்கத்தைத் தொடர்ந்து வெள்ளி விலையும் இன்று சரிவைக் கண்டுள்ளது. ஒரு கிராமுக்கு ரூ.5 குறைந்து ரூ.210-க்கும், ஒரு கிலோ வெள்ளி ரூ.2.10 லட்சத்திற்கும் விற்பனை செய்யப்படுகிறது. இந்த விலை குறைவு நகைப்பிரியர்களுக்கு சற்று ஆறுதலை அளித்துள்ளது.
