தமிழக முதலமைச்சர் விஜய் அறிவித்துள்ள 200 யூனிட் இலவச மின்சாரத் திட்டம் தற்போது நடைமுறைக்கு வந்துள்ள நிலையில், இந்தச் சலுகை நமக்குக் கிடைக்கிறதா? நமது மின்சாரப் பயன்பாடு எவ்வளவு இருக்கிறது? என்பதை நாம் வீட்டிலிருந்தபடியே நமது மொபைல் மூலம் மிக எளிதாகச் சரிபார்க்க முடியும். பலருக்கும் இது குறித்த விழிப்புணர்வு இல்லாததால், அதிக மின் கட்டணம் செலுத்தி வருகிறார்கள். இந்தத் திட்டத்தின் பலனை நீங்கள் முழுமையாகப் பெற வேண்டுமானால், இந்த எளிய வழிமுறைகளைத் தவறாமல் பின்பற்றுங்கள்.
முதலில் உங்கள் மொபைலில் உள்ள கூகுள் குரோம் பிரவுசரைத் திறந்து கொள்ளுங்கள். அதில் “tn aavot” என்று ஆங்கிலத்தில் டைப் செய்து தேடினால் ஒரு இணையதளம் தோன்றும். அந்த இணையதளத்திற்குள் சென்றதும், அங்குள்ள தேடுதளத்தில் “tneb” என்று டைப் செய்யுங்கள். இப்போது அந்த ஆப்பினை தரவிறக்கம் செய்வதற்கான லிங்க் உங்களுக்குக் கிடைக்கும். அந்த செயலியை உங்கள் மொபைலில் பதிவிறக்கம் செய்து நிறுவிக்கொள்ளுங்கள். இது மிகவும் பாதுகாப்பான ஒரு வழியாகும்.
செயலியைத் திறந்தவுடன், உங்கள் மொபைல் எண்ணைக் கொண்டு லாகின் செய்ய வேண்டும். அதன் பிறகு உங்கள் மின்சார அட்டையில் (EB Card) குறிப்பிடப்பட்டுள்ள நுகர்வோர் எண் மற்றும் உங்கள் மண்டலக் குறியீட்டைச் சரியாக உள்ளீடு செய்ய வேண்டும். உங்கள் பெயர் திரையில் உறுதி செய்யப்பட்டவுடன், “My Consumer” என்ற ஆப்ஷனை கிளிக் செய்யுங்கள். இதில் உங்கள் மின்சாரப் பயன்பாடு குறித்த அனைத்து மாதாந்திர விவரங்களும் துல்லியமாகத் தோன்றும்.
இந்தச் செயலியின் மூலம் நீங்கள் ஒவ்வொரு மாதமும் எத்தனை யூனிட் மின்சாரத்தைப் பயன்படுத்தியிருக்கிறீர்கள் என்பதைத் தெளிவாகப் பார்த்துக்கொள்ளலாம். முக்கியமாக, புதிய 200 யூனிட் இலவச மின்சாரத் திட்டத்தின் கீழ் உங்களுக்கு எவ்வளவு மானியம் வழங்கப்பட்டுள்ளது என்ற விவரத்தையும் நீங்கள் உடனுக்குடன் இதில் சரிபார்க்க முடியும். பழைய பயன்பாட்டுத் தரவுகள் மற்றும் பில்லிங் விவரங்கள் என அனைத்தும் உங்கள் விரல் நுனியிலேயே இருக்கும்.
பொதுமக்கள் அனைவரும் இந்த வசதியைப் பயன்படுத்தி தங்கள் மின்சாரப் பயன்பாட்டைக் கண்காணிப்பதன் மூலம், மின்சாரத்தைச் சேமிப்பதோடு மட்டுமல்லாமல் அரசின் சலுகைகளையும் முழுமையாகப் பெற முடியும்.
