விநாயகர் சதுர்த்தி விழா சிறப்பாக கொண்டாடப்பட்ட நிலையில் , சிலை நீரோட்டங்களில் கரைக்கப்பட்டது.பெரியவர்கள் எந்தளவு பத்தியாக இருந்தார்களோ ,குழந்தைகளும் விநாயகர் சிலையை தன் வீட்டில் ஒருவராக ஏற்றுக்கொண்டனர்.
இதன் விளைவாக, வீட்டில் வைக்கப்பட்ட சிறு விநாயகர் சிலைகளை எடுத்துச்செல்ல விரும்பாத சிறுபிள்ளைகள் அடம்பிடிக்கும் பல வீடியோக்கள் உலா வரும்நிலையில் , மற்றொரு வீடியோ வைரலாகி வருகிறது.
அதில், ஒரு குடும்பத்தினர் சிலையை வீட்டிலிருந்து வாகனத்தின் கரைக்க கொண்டுசென்றபோது , அந்த வீட்டு குழந்தை ,சிலையை கட்டிப்பிடித்துக்கொண்டு எடுத்துச்செல்ல விடாமல் அடம்பிடிக்கிறாள்.குழந்தையின் பெற்றோர் குழந்தையை சமாதானம் செய்ய முயற்சிக்கின்றனர் ,ஆனால் குழந்தை விட்டுக்கொடுப்பதாக தெரியவில்லை,ஒருகட்டத்தில் விநாயகரின் மடியில் அமர்ந்துவிட்டது குழந்தை.பின் ஒருவழியாக குழந்தையை வலுக்கட்டாயமாக சிலையிடமிருந்து தூக்கிக்கொண்டார் அவரின் குழந்தையின் அம்மா.
