சற்று குறைந்த தினசரி கொரோனா பாதிப்பு

இந்தியாவில் தினசரி கொரோனா பாதிப்பு குறைந்து, 2 ஆயிரத்து 032 ஆக பதிவாகி உள்ளது.

இந்தியாவில் நேற்றைவிட, இன்றைக்கு தினசரி கொரோனா பாதிப்பு குறைந்துள்ளது.

அதன்படி நாடு முழுவதும் கடந்த 24 மணி நேரத்தில், 2 ஆயிரத்து 032 பேருக்கு கொரோனா பாதிப்பு உறுதி செய்யப்பட்டுள்ளது. இதனால் மொத்த பாதிப்பு எண்ணிக்கை 4 கோடியே 31 லட்சத்து 33 ஆயிரத்து 852 ஆக அதிகரித்துள்ளது.

கொரோனா பாதிப்பில் இருந்து ஒரே நாளில் 2 ஆயிரத்து 346  பேர் குணமடைந்ததால், குணமடைந்தோரின் மொத்த எண்ணிக்கை 4 கோடியே 25 லட்சத்து 94 ஆயிரத்து 801 ஆக அதிகரித்துள்ளது.

கொரோனாவுக்கு மேலும் 25 பேர் பலியானதால், மொத்த உயிரிழப்பு எண்ணிக்கை 5 லட்சத்து 24 ஆயிரத்து 348 ஆக உயர்ந்துள்ளது.

கொரோனா பாதிப்புக்கு தற்போது 14 ஆயிரத்து 996 பேர் சிகிச்சை பெற்று வருகின்றனர்.