ஜம்மு காஷ்மீர் கிஸ்த்வார் மாவட்டத்தை சேர்ந்த தாலிப் ஹூசைன் என்பவர், 2016ல் ஹிஸ்புல் முஜாகிதீன் பயங்கரவாத அமைப்பில் இணைந்தார்.
அந்த இயக்கத்திற்காக ஆட்களை சேர்த்து வந்தார்.
அவரை பாதுகாப்பு படையினர் தேடி வந்த நிலையில், அவர் தலைமறைவானார்.
அவருக்கு 2 மனைவிகள். ஒரு மனைவி காஷ்மீரில் வசித்து வருகிறார். மற்றொரு மனைவியுடன், ஹூசைன் கடந்த 2 ஆண்டுகளாக, கர்நாடக தலைநகர் பெங்களூருவின் ஸ்ரீராமபுரா பகுதியில் ஆட்டோ ஓட்டுநராக பணியாற்றி வந்துள்ளார்.
இது குறித்து கிடைத்த ரகசிய தகவல் அடிப்படையில் கர்நாடகா வந்த காஷ்மீர் போலீசார், ஹூசைனை பெங்களூரு போலீசார் உதவியுடன் கைது செய்தனர்.
இதனையடுத்து, பெங்களூருவில் பாதுகாப்பு பலப்படுத்தப்பட்டுள்ளது.
