ரஷ்யாவை உலுக்கிய ராட்சதப் பூகம்பம்! ரிக்டர் அளவில் 8.8! உலகின் மிக சக்திவாய்ந்த நிலநடுக்கங்களில் ஒன்று!
வடக்கு பசிபிக் பெருங்கடலில் சுனாமி உருவாகி, அலாஸ்கா, ஹவாய், நியூசிலாந்துக்கு சுனாமி எச்சரிக்கை விடுக்கப்பட்டுள்ளது. ஹவாய் தீவில் சுனாமி சைரன்கள் ஒலிக்க, மக்கள் அலறியடித்து உயரமான இடங்களுக்கு ஓடுகிறார்கள்!
இந்த ராட்சதப் பேரலை, இந்தியாவைத் தாக்குமா? 2004-ஐப் போல ஒரு பேரழிவு மீண்டும் ஏற்படுமா? என்பது குறித்து இப்போது முக்கிய அறிவிப்பு ஒன்று வந்திருக்கிறது.
இன்று, ரஷ்யாவின் தூர கிழக்குப் பகுதியில் உள்ள கம்சட்கா தீபகற்பத்தில், இந்த மெகா நிலநடுக்கம் ஏற்பட்டது. இதன் காரணமாக, ஜப்பானின் கடற்கரையை 40 சென்டிமீட்டர் உயரத்திற்கு சுனாமி தாக்கியிருக்கிறது.
கலிபோர்னியா ஆளுநர் முதல், உலகத் தலைவர்கள் வரை, தங்கள் நாட்டு மக்களை உஷார் நிலையில் இருக்கும்படி எச்சரித்துள்ளனர். உலகமே ஒருவித பதற்றத்தில் உறைந்திருக்கிறது.
சரி, இந்தியாவின் நிலை என்ன? நமக்கு ஆபத்து இருக்கிறதா?
இந்தியாவின் அதிகாரப்பூர்வ சுனாமி எச்சரிக்கை மையமான INCOIS, சற்றுமுன் ஒரு முக்கியமான அறிவிப்பை வெளியிட்டிருக்கிறது.
அதன்படி, இந்த நிலநடுக்கத்தால், இந்தியாவுக்கோ அல்லது இந்தியப் பெருங்கடல் பகுதி நாடுகளுக்கோ எந்தவிதமான சுனாமி அச்சுறுத்தலும் இல்லைஎன்று திட்டவட்டமாகத் தெரிவித்திருக்கிறது.
ஆம், இந்த முறை நாம் பாதுகாப்பாக இருக்கிறோம். இந்த நிலநடுக்கத்தின் மையம், இந்தியாவிலிருந்து மிகத் தொலைவில் இருப்பதால், அதன் தாக்கம் நம்மை பாதிக்காது என்று விஞ்ஞானிகள் உறுதிப்படுத்தியுள்ளனர்.
ஆனாலும், இந்த சம்பவம், இயற்கையின் சக்தியை நமக்கு மீண்டும் ஒருமுறை நினைவுபடுத்துகிறது. உலகமே உஷார் நிலையில் இருக்கிறது. ஒரு மெகா நிலநடுக்கம், எப்படி உலக நாடுகளை ஒரே நேரத்தில் பதற்றத்தில் ஆழ்த்தும் என்பதற்கு இது ஒரு சிறந்த உதாரணம்.
