நவம்பர் 1-ஆம் தேதி முதல் சமையல் எரிவாயு சிலிண்டர் விலை மற்றும் முன்பதிவு நடைமுறைகளில் மாற்றங்கள் ஏற்பட வாய்ப்புள்ளது.
இதனால் இண்டேன், பாரத் கேஸ், ஹெச்பி கேஸ் வாடிக்கையாளர்கள் தங்களது குடும்ப பட்ஜெட்டைத் திட்டமிடும்போது கவனம் செலுத்த வேண்டும்.
ஓட்டல்கள், உணவகங்களில் பயன்படுத்தப்படும் 19 கிலோ வணிக சிலிண்டரின் விலையை எண்ணெய் நிறுவனங்கள் ஒவ்வொரு மாதமும் முதல் தேதியில் மாற்றியமைக்கின்றன.
அக்டோபரில் டெல்லியில் இதன் விலை ரூ.2,810 ஆக உயர்ந்தது. நவம்பர் மாதத்திற்கான புதிய விலை அதிகாரப்பூர்வ அறிவிப்புக்குப் பிறகே தெரியவரும்.
வீடுகளில் பயன்படுத்தப்படும் 14.2 கிலோ சிலிண்டரின் விலை டெல்லியில் ரூ.942 ஆக இருப்பதாகக் குறிப்பிடப்பட்டுள்ளது. இருப்பினும், நகரங்களுக்கு ஏற்ப விலை மாறுபடலாம்.
மானிய விலையில் சிலிண்டர் பெறுவதற்கான ஆதார் பயோமெட்ரிக் e-KYC சரிபார்ப்பு விதிமுறை அக்டோபர் 1, 2026 முதல் அமலுக்கு வந்ததாகத் தெரிவிக்கப்பட்டுள்ளது.
ஏற்கெனவே சரிபார்ப்பை முடித்தவர்கள் மீண்டும் செய்ய வேண்டியதில்லை. சரிபார்ப்பை முடிக்காதவர்களுக்கு மானிய சிலிண்டர் முன்பதிவில் தற்காலிகத் தடை ஏற்படலாம்.
வாடிக்கையாளர்கள் IndianOil One, Hello BPCL அல்லது HP Pay செயலிகள் மற்றும் Aadhaar FaceRD செயலி மூலம் நேரடிப் புகைப்படத்தைச் சமர்ப்பித்து e-KYC செய்யலாம்.
மேலும், ‘My LPG’ இணையதளம் அல்லது உள்ளூர் எரிவாயு விநியோகஸ்தர் அலுவலகம் மூலமாகவும் சரிபார்ப்பை முடிக்கலாம். முன்பதிவு செய்வதற்கு முன் விலை மற்றும் e-KYC நிலையைச் சரிபார்ப்பது அவசியம்.
