அமெரிக்க போர்க் கப்பலில் நடந்த பயங்கரம்!! கடலில் குதிக்கும் வீரர்கள்!!

அமெரிக்க கடற்படையின் பெருமையாகக் கருதப்படும் யுஎஸ்எஸ் ஆபிரகாம் லிங்கன் [USS Abraham Lincoln] விமானம் தாங்கி போர்க்கப்பலில் தற்போது நிகழ்ந்து வரும் அதிர்ச்சியூட்டும் சம்பவங்கள் உலகையே உலுக்கியுள்ளன.

சான் டியாகோ [San Diego] துறைமுகத்தில் இருந்து கடந்த ஆண்டு நவம்பர் மாதம் புறப்பட்ட இந்த போர்க்கப்பலில் பணியாற்றும் சுமார் 5,000 வீரர்கள், கடந்த 9 மாதங்களாக, அதாவது 250 நாட்களுக்கும் மேலாக நிலப்பரப்பையே பார்க்காமல் கடலில் தவித்து வருகின்றனர்.

மத்திய கிழக்கில் [Middle East] ஏற்பட்டுள்ள போர் பதற்றம் காரணமாக, இவர்களது பணிக்காலம் [Deployment extension] தொடர்ந்து நீட்டிக்கப்பட்டு வருவதால், போர்க்கப்பலே ஒரு திறந்தவெளிச் சிறைச்சாலையாக மாறியுள்ளதாகக் குற்றச்சாட்டுகள் எழுந்துள்ளன.

பணிச்சுமை மற்றும் குடும்பங்களைப் பிரிந்து இருக்கும் மன உளைச்சல் [Mental stress] காரணமாக, கப்பலில் உள்ள வீரர்கள் பலர் தற்கொலைக்கு முயன்ற [Suicide attempts] சம்பவங்கள் இப்போது வெளிச்சத்திற்கு வந்துள்ளன.

மன அழுத்தம் தாள முடியாமல் வீரர்கள் சிலர் பைத்தியம் பிடித்தது போல கப்பலில் இருந்து கடலில் குதிக்கும் அவலநிலை ஏற்பட்டுள்ளது.

13 ஆண்டுகள் அனுபவம் வாய்ந்த வீரர்கள் கூட இந்த இக்கட்டான சூழலில் தற்கொலை முடிவை எடுப்பது அமெரிக்கக் கடற்படைக்குள் இருக்கும் மிகப்பெரிய விரிசலைத் தோல் உரித்துக் காட்டியுள்ளது.

சான் டியாகோவில் நடந்த அதிகாரிகள் கூட்டத்தில், “தன் கணவர் மறுநாள் காலையில் உயிரோடு எழுந்திருக்கக் கூடாது என்று விரும்புகிறார்” என ஒரு பெண் கதறி அழுதது, ஒட்டுமொத்த பாதுகாப்புத் துறையையும் அதிர வைத்துள்ளது.

மன அழுத்தம் ஒருபுறமிருக்க, கப்பலுக்குள் இருக்கும் அடிப்படை வாழும் சூழல் [Living conditions] நரகத்தை விட மோசமாக உள்ளதாகப் புகார்கள் எழுந்துள்ளன.

சுத்தமான குடிநீர் இல்லை, கழிப்பறைகள் உடைந்து கிடக்கின்றன, குளிக்கும் இடங்களில் பாசி பிடித்துப் புழுக்கள் [Worms] மொய்க்கும் அவலநிலை நீடிக்கிறது.

எல்லாவற்றிற்கும் மேலாக, வீரர்களுக்குப் போதுமான உணவு வழங்கப்படுவதில்லை. ஒரு வேளை உணவாக வெறும் அரை கப் அரிசி சாதமும், இரண்டு ரொட்டிகளும் மட்டுமே வழங்கப்படுவதாகக் கூறப்படுகிறது.

சோப்பு, பேஸ்ட் போன்ற அடிப்படைத் தேவைகளுக்குக் கூட தட்டுப்பாடு நிலவுவது, ஒரு வல்லரசு நாட்டின் வீரர்களுக்கு நேர்ந்த மிகப்பெரிய அவமானமாகப் பார்க்கப்படுகிறது.

இந்த விவகாரம் இப்போது அமெரிக்க அரசியலிலும் பெரும் புயலைக் கிளப்பியுள்ளது. கலிபோர்னியா நாடாளுமன்ற உறுப்பினர் மைக் லெவின் [Mike Levin], நாட்டுக்காகச் சேவை செய்ய வந்த வீரர்களுக்குக் குறைந்தபட்ச சுகாதார வசதிகளையும் நல்ல உணவையும் கூட வழங்க முடியாத கடற்படை நிர்வாகத்தைக் கடுமையாகச் சாடியுள்ளார்.

மத்திய கிழக்கு பிராந்தியத்தில் போர் தீவிரமடைந்து வரும் நிலையில், வீரர்களின் மனநிலையைத் துளியும் மதிக்காமல் எடுக்கப்படும் இந்த முடிவுகள், அமெரிக்காவின் ராணுவ வலிமையைக் கேள்விக்குறியாக்கியுள்ளன.

32 இடங்களில் இளைஞர்களுக்கான நற்செய்திகள் ஒருபுறம் இருந்தாலும், கடலில் தவிக்கும் இந்த 5000 வீரர்களின் கண்ணீருக்கு யார் பதில் சொல்லப்போகிறார்கள் என்ற கேள்வி உலக நாடுகளிடையே எழுந்துள்ளது.