‘அப்படி ஒன்னு நடக்கவே இல்லையே..!’ இஸ்ரேல் முகத்தில் அறைந்த அமீரகம்!

உலக அரசியல்ல இப்போ ஒரு தரமான ‘சீக்ரெட் மிஷன்’ சர்ச்சை வெடிச்சிருக்குங்க. “நாங்க அவங்க வீட்டுக்கு ரகசியமா போயிட்டு வந்தோம்”னு ஒருத்தர் சொல்ல, “நீங்க எப்போ வந்தீங்க? யாருன்னே தெரியாது”ன்னு இன்னொருத்தர் முகத்துல அடிச்ச மாதிரி சொன்னா எப்படி இருக்கும்? அப்படி ஒரு பஞ்சாயத்து தான் இப்போ இஸ்ரேல் மற்றும் ஐக்கிய அரபு அமீரகத்துக்கு நடுவுல ஓடிக்கிட்டு இருக்கு.

ஒரு பக்கம் இஸ்ரேலுக்கும் ஈரானுக்கும் இடையே போர் பதற்றம் ‘பீக்’ல இருக்குற இந்த நேரத்துல, இஸ்ரேல் பிரதமர் நெதன்யாகு துபாய்க்கு ஒரு ‘சீக்ரெட் விசிட்’ அடிச்சதா கிளம்பியிருக்கிற தகவல் தான் இப்போ ஹாட் டாபிக். இஸ்ரேல் பிரதமர் அலுவலகம் திடீர்னு ஒரு ட்வீட் போட்டாங்க.

அதுல, “ஆபரேஷன் ரோரிங் லயன்” (Operation Roaring Lion) பயங்கரமா போயிட்டு இருக்குற அதே நேரத்துல, எங்க பிரதமர் நெதன்யாகு ரகசியமா அமீரகம் போய், அந்நாட்டு அதிபர் ஷேக் முகமது பின் சையதைச் சந்திச்சு ஒரு வரலாற்றுச் சிறப்புமிக்க மாற்றத்தை உருவாக்கிட்டாருன்னு பெருமையா சொல்லிக்கிட்டாங்க. இதைப் பார்த்த உலக நாடுகள் எல்லாமே, “அடேங்கப்பா.. போருக்கு நடுவுல இவ்வளவு பெரிய இராஜதந்திர நகர்வா?”ன்னு ஆச்சரியமா பார்த்தாங்க.

ஆனா, இந்த சந்தோஷம் ஒரு சில மணி நேரம் கூட நீடிக்கலைங்க. ஏன்னா, ஐக்கிய அரபு அமீரகத்தோட வெளியுறவுத் துறை அமைச்சகம் கொடுத்த பதில் இருக்கே.. அது தான் ‘அல்டிமேட் ட்விஸ்ட்’. “யாரு? நெதன்யாகு இங்க வந்தாரா? இப்படி ஒரு பொய்யை நாங்க எதிர்பார்க்கவே இல்லை”னு மொத்தமா மறுத்துட்டாங்க. “எங்க நாட்டுக்கு அவர் வரவே இல்லை, எந்த ஒரு ராணுவக் குழுவையும் நாங்க வரவேற்கவும் இல்லை”னு அடிச்சு சொல்லிட்டாங்க அமீரக அதிகாரிகள்.

அதுமட்டும் இல்லாம, அமீரகம் இன்னும் ஒரு படி மேலே போய், “நாங்க என்ன ஒளிஞ்சு மறைஞ்சா பழகுறோம்? இஸ்ரேலுக்கும் எங்களுக்கும் இருக்குற உறவு ‘ஆபிரகாம் உடன்படிக்கை’ படி ரொம்ப ஓப்பனா இருக்குறது. இதுல ரகசியமா சந்திக்க வேண்டிய அவசியம் எங்களுக்கு இல்லை. இந்த மாதிரி கற்பனை கதைகளை விடுறதை நிறுத்திட்டு, ஊடகங்கள் கொஞ்சம் பொறுப்போட நடந்துக்கோங்க”ன்னு ஒரு சின்ன ‘அட்வைஸ்’ஸையும் இஸ்ரேல் மூக்குல தட்டுற மாதிரி சொல்லிட்டாங்க.

இதுவரைக்கும் அமீரகத்தோட இந்த அதிரடி மறுப்புக்கு இஸ்ரேல் தரப்புல இருந்து எந்தப் பதிலும் இல்லை. ஒரு பக்கம் ஈரான் அணு ஆயுதம் தயாரிக்கிறதுக்கு ரொம்ப பக்கத்துல இருக்குன்னு அமெரிக்கா பயமுறுத்திட்டு இருக்குறப்போ, கூடவே இருக்குற ரெண்டு முக்கியமான பார்ட்னர்களுக்குள்ள இப்படி ஒரு ‘ஈகோ’ மோதல் வெடிச்சிருக்கிறது, மத்திய கிழக்கோட அடுத்தகட்ட அரசியலை இன்னும் சூடாக்கியிருக்கு. எது எப்படியோ, இந்த ‘ரகசியப் பயணம்’ உண்மையிலேயே நடந்துச்சா இல்லையாங்கிறது அந்த ஆண்டவனுக்கும், அந்த ரெண்டு நாட்டு அதிபர்களுக்கும் தான் வெளிச்சம்.