டெல்லியின் பழமையான வரலாற்றை கவுரவிக்கும் வகையில் அதன் பெயரை இந்திர பிரஸ்தா என மாற்ற வேண்டும் என்று கோரி மத்திய உள்துறை மந்திரி அமித்ஷாவுக்கு பா.ஜ.க. எம்.பி. பிரவீன் கந்தேல்வால் இன்று கடிதம் ஒன்றை எழுதியுள்ளார்.
வரலாற்று சிறப்புமிக்க இலக்கியங்கள், தொல்லியல் துறையின் தகவலின்படி மற்றும் நீண்டகால நாகரீக மரபுகள் கூறுவது என்னவென்றால், டெல்லியானது பழமையான இந்திர பிரஸ்தா என்ற பெயரால் அழைக்கப்பட்டது. மகாபாரத இதிகாசத்தில் வரும் பாண்டவர்கள் இந்த பெரிய நகரை உருவாக்கினர்.
யமுனை ஆற்றின் கரையில் பிரமிக்கும் வகையில் இந்த நகரை உருவாக்கினர். அது நவீன டெல்லியுடன் ஒத்து போகிறது என குறிப்பிட்டுள்ளார். டெல்லி என்ற தற்போது அழைக்கப்படும் பெயர், நகரின் பழமை மற்றும் உண்மையான பாரம்பரியம் ஆகியவற்றை பிரதிபலிக்கும் வகையில் இல்லை என்றும் அவர் தெரிவித்து உள்ளார்.
