பொதுவாக ஆடு ,மாடு போன்ற வீட்டில் வளர்க்கப்படும் கால்நடைகளை வெளியில் திறந்துவிடுவது வழக்கமான ஒன்று.அவைகள் தெரு தெருவாக உணவு தேடிச்சென்று கிடைப்பதை சாப்பிட்டுவிட்டு மீண்டும் தன்னிடத்திற்கு திரும்பிவிடும்.
இதுபோன்ற சில தருணங்கள் பொதுமக்களுக்கு ஆபத்தாகி விடுவதுண்டு.சாலையில் செல்பவர்களை இடைமறித்து நிற்பது,அச்சுறுத்துவது, சாலையில் செல்பவர்களை தாக்குவது போன்ற நிகழ்வுகள் தொடர்ந்து நடைபெற்று வருகிறது.
இந்நிலையில்,ராஜஸ்தான் மாநிலம் ஜோத்பூரில் தெரு ஒன்றில், சுற்றித்திரிந்த காளைமாடுகளில் ஒன்று அவ்வழியாக சென்ற பெண் ஒருவரை முட்டியதில் நிலைகுலைந்து கீழே மயங்கி விழுந்தார்.இந்த கட்சி அருகே பொருத்தப்பட்டிருந்த சிசிடிவி-ல் பதிவாகி உள்ளது.
தெரு ஒன்றில் மூன்று மாடுகள் நின்றுகொண்டு இருக்கிறது.அப்போது அவ்வழியாக பெண் ஒருவர் கடந்து செல்கிறார். தன்னை கடந்துசென்ற பெண்ணை எதிர்பாராதவிதம் ஓடி வந்து முட்டியது ஒரு காளை. இந்த வீடியோ தற்போது இணையத்தில் வைரலாகி வருகிறது.
