இலங்கை அணியுடன் விளையாடிய மூன்றாவது டி20 போட்டியிலும் இந்திய அணி வெற்றிபெற்றுள்ளது .இலங்கை கிரிக்கெட் அணி மூன்று டி20 போட்டிகள் மேலும் இரண்டு டெஸ்ட் போட்டிகளில் விளையாடுவதற்காக இந்தியாவுக்கு சுற்றுப் பயணம் வந்துள்ளது . கடந்த இரண்டு டெஸ்ட் போட்டிகளில் இந்திய அணி சிறப்பான வெற்றி பெற்று இருந்தது இந்தநிலையில், மூன்றவது போட்டி இமாச்சலப் பிரதேசம் தரம்சாலாவிலுள்ள மைதானத்தில் நடைபெற்றது .இலங்கை அணியின் தொடக்க வீரர்கள் குறைந்த ரன்களில் ஆட்டமிழந்துவெளியேறினர் . கேப்டன் சனகா மட்டும் அதிரடியாக ஆடி 78 ரன்கள் எடுத்தார் . இலங்கை அணி 20 ஓவர் முடிவில் 5 விக்கெட் இழப்புக்கு 146 ரன்கள் எடுத்தது.
அதனைத் தொடர்ந்து இந்திய அணியின் தொடக்க வீரர்களாக சஞ்சு சாம்சன், ரோஹித் சர்மா களமிறக்கப்பட்டனர் . ரோஹித் 5 ரன்களிலும், சஞ்சு சாம்சன் 18 ரன்களிலும் வெளியேற ,அவரைத் தொடர்ந்து களமிறங்கிய ஸ்ரேயாஸ் ஐயர் அதிரடியாக ஆடி,45 பந்துகளில் 73 ரன்கள் எடுத்து அணியை வெற்றிப் பாதைக்கு அழைத்துச் சென்றார். இந்திய அணி 16.5 ஓவரில் 4 விக்கெட் இழப்புக்கு 148 ரன்கள் எடுத்து 6 விக்கெட் வித்தியாசத்தில் வெற்றி பெற்றது. இதன்மூலம், இந்திய அணி 3 போட்டிகள் தொடரில் மூன்றிலும் வெற்றி பெற்று அசத்தியுள்ளது.
