விக்ரம் நடித்துள்ள வீர தீர சூரன் திரைப்படம் இன்று திரையரங்குகளில் வெளியாக இருந்தது. இதனிடையே OTT உரிமம் விற்கப்படும் முன் படத்தின் ரிலீஸ் தேதி அறிவிக்கப்பட்டதால், அதனை எதிர்த்து B4U என்ற தயாரிப்பு நிறுவனம் டெல்லி உயர்நீதிமன்றத்தில் வழக்கு தொடர்ந்தது. இதன் காரணமாக இன்று வெளியாக இருந்த இப்படம் நீதிமன்றத்தால் நிறுத்தப்பட்டது.
இந்நிலையில் இதனிடையே, இரு தரப்பு பேச்சுவார்த்தைக்கு பிறகு செட்டில்மெண்ட் முடிவுக்கு வந்துள்ளதாக கூறப்படுகிறது. மேலும் இன்று (மார்ச் 27) மாலைக்குள் பிரச்சனை தீர்க்கப்பட்டு, 6 மணிக் காட்சி வெளியிடப்படும் என்ற தகவலும் வெளியாகியுள்ளது.