முதலீட்டாளர்கள் பல தலைமுறைகளாக தங்கம் மற்றும் வெள்ளியை நம்பகமான சொத்துகளாக கருதி வருகின்றனர். சொத்து மற்றும் நிலைத்தன்மையை குறிக்கும் இந்த இரண்டும் இந்தியாவில் பெரும் முக்கியத்துவம் பெற்றவை. ஆனால் முதலீட்டில் எது சிறந்தது என்பது, முதலீட்டாளரின் இலக்குகள் மற்றும் ஆபத்தை ஏற்கும் மனநிலையைப் பொறுத்தது.
தங்கம், பணவீக்கத்துக்கு எதிரான ஒரு பாதுகாப்பு சுவராகக் கருதப்படுகிறது. அதனால் சந்தை நிலைமை உறுதியாக இல்லாதபோது, முதலீட்டாளர்கள் “பாதுகாப்பான புகலிடம்” என்ற அடையாளத்தில் தங்கத்தைத் தேர்வு செய்கின்றனர். தங்க ETFகள் மற்றும் மியூச்சுவல் ஃபண்டுகள் முதலீட்டுக்கு எளிதான மற்றும் பாதுகாப்பான வழிகளாகும். இது நீண்டகால ஸ்திரத்தன்மையை நாடுபவர்களுக்கு ஏற்றது.
மாறாக, வெள்ளி அண்மை நாட்களில் அதிக ஏற்ற இறக்கத்துடன் செயல்படுகின்றது. இதன் விலை தொழில்துறை தேவைகளுடன் நெருக்கமாக இணைந்துள்ளது – குறிப்பாக மின்னணுவியல் மற்றும் புதுப்பிக்கத்தக்க எரிசக்தி துறைகளில் அதன் தேவை அதிகம். இதனால், குறுகிய காலத்தில் அதிக வருமானம் பெற விரும்பும் முதலீட்டாளர்கள் வெள்ளியை விரும்புகிறார்கள்.
தங்கத்துக்கும் வெள்ளிக்கும் நல்ல திரவத்தன்மை என்று சொல்லப்படும் liquidity உள்ளது. தேவையானபோது அவற்றை எளிதில் விற்கலாம். எனினும் தங்கத்தின் உலகளாவிய தேவை அதிகம் என்பதால், அதன் மதிப்பு நிலைத்ததாகவே இருக்கும்.
நிலையான பாதுகாப்பை விரும்புபவர்கள் தங்கத்தைத் தேர்ந்தெடுக்கலாம். அதிக risk-உடன் கூடிய அதிக லாபத்தை நாடுபவர்கள் வெள்ளியைப் பரிசீலிக்கலாம். எனினும், எதில் முதலீடு செய்வதாக இருந்தாலும் தனிப்பட்ட நிதி ஆலோசகரின் பரிந்துரையைப் பெறுவது பாதுகாப்பான முடிவாக இருக்கும்.
