கர்நாடக தலைநகர் பெங்களூரில், குப்பை பிரச்சனை தீராத தலைவலியாக உள்ளது. துப்புரவு பணியாளர்கள் வீடு வீடாக குப்பை சேகரிக்க வந்தாலும், பொதுஇடங்களில் குப்பைகள் வீசப்படுவது தொடர்கதையாகியுள்ளது.
இந்த நிலையில், குப்பை வீசுவோரை வீடியோ எடுத்து அனுப்பினால் ரூ.250 சன்மானம் வழங்கப்படும் என அறிவிக்கப்பட்டுள்ளது. செல்போன்களில் வீடியோ எடுத்து 94481 97197 என்ற வாட்ஸாப் எண்ணுக்கு அனுப்பலாம் என பெங்களூரு திடக்கழிவு மேலாண்மை நிறுவனம் தெரிவித்துள்ளது.
இதன்படி, குப்பையை வீசியவரின் வீடு அடையாளம் காணப்பட்டு, அவரது வீட்டின் முன், பல இடங்களில் சேகரித்த குப்பை கொட்டப்படும் என்றும் குப்பை கொட்டியவருக்கு அபராதமும், வீடியோவை அனுப்பிய நபருக்கு UPI மூலம் சன்மானமும் வழங்கப்படும் எனவும் கூறியுள்ளது.
