எகிப்து பிரமிடுகளை விட பழமையான இடம்! விஞ்ஞானிகளே வியக்கும் மர்மம்!

எகிப்தின் பிரமிடுகளை விடப் பழமையானது ஒரு மலை? இது கற்பனை அல்ல. இந்தோனேசியாவின் மேற்கு ஜாவாவில் உள்ள ஒரு மலையின் அடியில், 25,000 ஆண்டுகள் பழமையான மெகா கட்டமைப்பு மறைந்திருக்கலாம் என்று தற்போது விஞ்ஞானிகள் கூறுகின்றனர். இது எகிப்தின் பிரமிடுகளுக்கும், மனித நாகரிக வரலாறுக்கும் முன்பானது என்பதாலே, உலகம் முழுவதும் அதிர்ச்சியையும், ஆர்வத்தையும் ஏற்படுத்தி வருகிறது.

இந்த மலைப்பாங்கான இடத்தின் பெயர் குனுங் படாங். பற்பல நூற்றாண்டுகளாக, உள்ளூர் மக்கள் இதனை ஒரு இயற்கையான மலை என்று தான் கருதினர். ஆனால் சமீபத்திய புவியியல் ஆய்வுகள், இதன் அடியில் பழமையான கட்டுமானங்கள் இருக்கலாம் என்று சொல்கின்றன. புவியியல் நிபுணர் டேனி ஹில்மன் நடவிட்ஜாஜா தலைமையிலான குழுவே இந்த வாய்ப்பைப் புகழ்பெற்ற விஞ்ஞான உலகுக்கு எடுத்துச் சொல்கிறது.

ஓரே ஒரு கட்டிடம் – ஆனால் பல அடுக்குகள். இதன் அடிப்படையான அலகு 3 – 25,000 ஆண்டுகளுக்கு மேல் பழமையானது. இதற்குப் பிறகு 8,000 ஆண்டுகளுக்கு முன்பு கட்டப்பட்ட அலகு 2. மற்றும் 4,000 ஆண்டுகளுக்கு முன்பே கட்டப்பட்ட அலகு 1. இதெல்லாம் சேரும்போது, ஒரு மலைக்குள் அடுக்கடுக்காக கட்டப்பட்ட பிரமிடு போன்ற பாரம்பரிய கட்டமைப்பு நமக்குள் திரும்பி வந்துவிட்டது போல இருக்கிறது.

இவ்வளவு பழமையான கட்டுமானங்கள் எப்படி? யார் இந்த நாகரிகத்தை உருவாக்கினர்? அவர்களுக்கு அந்த காலத்தில் இந்த அளவுக்கு அறிவியல் அறிவு எங்கிருந்து வந்தது? – இது போன்ற கேள்விகள் எதற்கும் பதில் கிடைக்கவில்லை. ஆனால் இவை எல்லாம் ஒரு சாத்தியமான நாகரிகத்தின் சுவடுகளை காட்டுகின்றன.

இது வெறும் ஒரு கற்பனைதான் என சிலர் கண்டிக்கிறார்கள். இது இயற்கை எரிமலை உச்சி என்றும், மனிதனால் கட்டப்பட்டதல்ல என்றும் சில மற்ற ஆய்வாளர்கள் சொல்கின்றனர். ஆனால் குனுங் படாங் தளத்தில் இருந்து கிடைக்கும் தரவுகள், இந்த இடம் சாதாரண மலை அல்ல என்பதற்கு மீண்டும் மீண்டும் சாட்சி அளிக்கின்றன.

மிக்க ஆச்சரியமான ஒன்று என்னவென்றால் – இந்த மலையின் அடியில் ரகசிய அறைகள் இருப்பதற்கான சாத்தியக்கூறும் இருக்கிறது. இந்த அறைகள் பண்டைய கலைப்பொருட்கள், அல்லது மத சடங்குகள் நடைபெற்ற இடங்கள் ஆகியவற்றை வைத்திருக்கலாம் என்ற நம்பிக்கை உருவாகியுள்ளது.

இனி வரும் நாட்களில் இந்த மலை உண்மையில் மனிதனால் கட்டப்பட்டதா, அல்லது இயற்கையா என்பதற்கான உறுதி வரும். ஆனால் இது வரை கிடைத்த ஆதாரங்கள், உலக நாகரிக வரலாற்றையே மாற்றக்கூடிய அளவுக்கு இருக்கின்றன என்பது மட்டும் நிச்சயம்.