பீகார் மாநிலத்தில் கடந்த மாதம் வாக்காளர் பட்டியல்சிறப்பு தீவிர திருத்தத்தை தேர்தல் ஆணையம் முடித்தது. இதில் 3.66 லட்சம் வாக்காளர்கள் நீக்கப்பட்டனர்.
இந்நிலையில் பீகாரின் தோரையா தொகுதியின் கீழ் உள்ள பட்சர் கிராமத்தில் வசிக்கும் 5 பேர் தாங்கள் உயிரிழந்ததாக குறிப்பிட்டு வாக்காளர் பட்டியலில் இருந்து நீக்கப்பட்டதை கண்டு அதிர்ச்சி அடைந்தனர்.
இது குறித்து அந்த 5 பேரும் தொகுதி மேம்பாட்டு அதிகாரியிடம் புகார் அளித்தனர். அதில் “ஐயா, நாங்கள் உயிருடன் உள்ளோம்” என்று குறிப்பிட்டுள்ளனர். இதுதொடர்பாக விசாரிக்கப்பட்டு பிழை சரி செய்யப்படும் என அந்த அதிகாரி தெரிவித்தார்.
