விண்வெளி ஆராய்ச்சியில் விஞ்ஞானிகளை அதிக அளவில் ஆச்சரியப்படுத்தும் கிரகங்களில் ஒன்று வெள்ளி கிரகம். பூமியுடன் அளவில், அமைப்பில் ஒருசில ஒற்றுமைகள் இருந்தாலும், அதில் வாழ்வதற்கான சூழல் முற்றிலும் மாறுபட்டது. அதனால் தான், இதனை ‘நரக கிரகம்’ என்றும் விஞ்ஞானிகள் குறிப்பிடுகின்றனர்.
வெள்ளி கிரகத்தில் அடர்ந்த கார்பன்-டை-ஆக்சைடு வளிமண்டலம் உள்ளது. இதனால் அங்கே ‘Greenhouse Effect’ என்று சொல்லப்படும் விளைவு மிக அதிகமாகிறது. சூரியனின் வெப்பம் உள்ளே புகுந்ததும், வெளியேறாமல் சிக்கிக் கொள்ளும். அதன் காரணமாக, வெள்ளி கிரகத்தின் வெப்பநிலை சுமார் 465°C வரை அதிகரிக்கிறது. இது சூரியனை மிக அருகில் சுற்றும் புதன் கிரகத்தின் வெப்பநிலையை விட அதிகம்.
மேலும், வெள்ளியின் மேகங்களில் சல்ஃபியூரிக் அமிலம் நிறைந்துள்ளது. அங்குள்ள மழை சாதாரண நீராக இல்லாமல் அமில மழையாக பொழிகிறது. மனிதர்கள் மட்டுமல்ல, எந்தவொரு உயிரினமும் அங்கே தப்பி பிழைத்து வாழ முடியாத அளவுக்கு ஆபத்தான சூழல் நிலவுகிறது.
அதிக அழுத்தமும் மற்றொரு சவால். வெள்ளி கிரகத்தின் மேற்பரப்பில் அழுத்தம், பூமியில் கடலுக்கடியில் காணப்படும் அழுத்தத்தை விட பல மடங்கு அதிகமாக உள்ளது. எனவே அங்கே இறங்கும் விண்கலன்களும் சில மணி நேரத்திற்கும் மேலாக நீடிக்க முடியாமல் அழிந்துவிடுகின்றன.
இந்த காரணங்களால், வெள்ளி கிரகம் விஞ்ஞானிகளுக்குப் ‘பூமி எவ்வாறு காலநிலை மாற்றத்தால் நரகமாக மாறக்கூடும்’ என்ற எச்சரிக்கை சின்னமாகவே பார்க்கப்படுகிறது. மேலும், பூமி எதிர்காலத்தில் சந்திக்கக்கூடிய அபாயங்களைப் புரிந்துகொள்ள, வெள்ளி கிரகமே ஒரு உயிருள்ள பாடமாக இருப்பதாகவும் எச்சரிக்கப்படுகிறது.
