தங்கத்தை மறந்துற வேண்டியதுதான்.., அடுத்த ஆண்டில் தங்கத்தின் விலை இப்படித்தான் இருக்கும்..!

தங்கம் விலை கடந்த சில நாட்களாக தொடர்ந்து அதிகரித்து, புதிய உச்சத்தில் உள்ளது. சர்வதேச சந்தையில் தங்கத்தின் விலை இந்தாண்டில் மட்டும் 33 சதவிகிதம் உயர்ந்துள்ளது.

இந்த நிலையில், சர்வதேச சந்தையில் தற்போது 3 ஆயிரத்து 400 டாலராக உள்ள ஒரு அவுன்ஸ் தங்கத்தின் விலை, இந்தாண்டு இறுதிக்குள் 3 ஆயிரத்து 600 டாலர் வரை உயர வாய்ப்புள்ளதாக வங்கியின் பொருளாதார ஆய்வறிக்கை தெரிவிக்கிறது.

இதுபோல அடுத்த ஆண்டின் முதல் 6 மாதங்களுக்குள் இந்த விலை 3 ஆயிரத்து 800 டாலர் வரை உயர வாய்ப்புள்ளது. எனவே, இந்தியாவை பொருத்தவரை 24 காரட் 10 கிராம் தங்கத்தின் விலை இந்தாண்டு இறுதிக்குள் ஒரு லட்சத்து 10 ஆயிரம் ரூபாய் வரை உயரும் என்றும் அடுத்தாண்டின் முதல் 6 மாதங்களுக்குள் ஒரு லட்சத்து 25 ஆயிரம் ரூபாய் வரை உயர வாய்ப்புள்ளது என தெரிவிக்கப்பட்டுள்ளது.