கடந்த ரெண்டு வருஷத்துக்கும் மேல நடந்துட்டு இருக்குற உக்ரைன் – ரஷ்யா போர்ல, இப்போ ஒரு மிகப்பெரிய திருப்புமுனை ஏற்படப் போகுது. அமெரிக்கா, தன்னோட மிக சக்திவாய்ந்த ஆயுதங்கள்ல ஒண்ணான டோமாஹாக் குரூஸ் ஏவுகணைகளை (Tomahawk Cruise Missiles) உக்ரைனுக்குக் கொடுக்கலாமா, வேண்டாமான்னு தீவிரமா யோசிச்சிட்டு இருக்கு.
இதுநாள் வரைக்கும், “உக்ரைன் போரை 24 மணி நேரத்துல நிறுத்துவேன்”னு சொல்லிட்டு இருந்த அமெரிக்க அதிபர் டொனால்ட் டிரம்ப், இப்போ தன்னோட நிலைப்பாட்டை மாத்திக்கிட்டு இருக்காரு. சமீபத்துல உக்ரைன் அதிபர் ஜெலென்ஸ்கியை சந்திச்சதுக்குப் பிறகு, டிரம்ப் ரஷ்ய அதிபர் புதின் மேல கொஞ்சம் கடுப்பில இருக்கிறதா சொல்றாங்க. இந்த டோமாஹாக் ஏவுகணைகள் மட்டும் உக்ரைன் கைக்குக் கிடைச்சா, அது இந்தப் போரோட போக்கையே தலைகீழா மாத்திடும்னு நிபுணர்கள் சொல்றாங்க. அப்படி என்ன ஸ்பெஷல் இந்த டோமாஹாக் ஏவுகணையில? இது உண்மையிலேயே போரை மாற்றுமா? வாங்க, விரிவாக அலசுவோம்.
முதல்ல, இந்த டோமாஹாக் ஏவுகணையைப் பத்தி தெரிஞ்சுக்குவோம். இது ஒரு நீண்ட தூரம் பாயக்கூடிய குரூஸ் ஏவுகணை. பனிப்போர் காலத்துல, 1983-ல அமெரிக்கா இதை உருவாக்கினாங்க. முதன்முதலா, 1991-ல நடந்த வளைகுடாப் போர்லதான் இதை அமெரிக்கா பயன்படுத்தி, உலகத்தையே மிரள வெச்சது. அதுக்கப்புறம், ஈராக், ஆப்கானிஸ்தான், சிரியான்னு பல போர்கள்ல, அமெரிக்காவோட ஒரு முக்கியமான ஆயுதமா இது இருந்துருக்கு.
இதோட ஸ்பெஷாலிட்டி என்ன?-ன்னா,
இது ரொம்பவே தாழ்வா, தரைல இருந்து வெறும் 30 மீட்டர் உயரத்துல பறக்கும். இதனால, எதிரிகளோட ரேடார்ல இது சிக்கவே சிக்காது. எதிரிக்குத் தெரியாமலேயே போய், டார்கெட்டைத் தாக்கி அழிச்சிடும்.
இது வகை வகையா இருக்கு. சில ஏவுகணைகள் 1,250 கிலோமீட்டர் வரைக்கும் பாயும், சிலது 2,500 கிலோமீட்டர் வரைக்கும் பாயும்.
இதுல ஜி.பி.எஸ்., டெர்காம்னு பல நவீன வழிகாட்டுதல் அமைப்புகள் இருக்கு. இதனால, 10 மீட்டருக்கும் குறைவான துல்லியத்தோட இது இலக்கைத் தாக்கும்.
இதோட லேட்டஸ்ட் வெர்ஷனான பிளாக் V சீரிஸ்ல, ஏவுகணை பறந்துட்டு இருக்கும்போதே, நாம அதோட டார்கெட்டை மாற்ற முடியும். ஒரு இடத்துல மணிக்கணக்கா வட்டமடிச்சிட்டு இருந்துட்டு, நம்ம கமெண்ட் கொடுத்ததும் போய் தாக்கும்.
சுருக்கமா சொன்னா, இது ஒரு புத்திசாலித்தனமான, எதிரிகளால தடுக்க முடியாத ஒரு கில்லி ஆயுதம். ஒரு டோமாஹாக் ஏவுகணையோட விலை சுமார் 2.4 மில்லியன் டாலர், அதாவது 21 கோடி ரூபாய்!
சரி, இந்த ஆயுதம் உக்ரைன் கைக்குக் கிடைச்சா, போர் மாறுமா?
நிச்சயமா மாறும்னு பல நிபுணர்கள் சொல்றாங்க. ரொம்ப நாளா, ரஷ்யாவுக்குள்ள ஆழமா போய் தாக்குறதுக்கு, உக்ரைன் இந்த மாதிரி நீண்ட தூர ஆயுதங்களைக் கேட்டுட்டு இருந்துச்சு. ஆனா, பைடன் நிர்வாகம் இதுக்கு சம்மதிக்கல. ஏன்னா, இந்த ஆயுதத்தை வெச்சு உக்ரைன் மாஸ்கோவையே தாக்குனா, அது ஒரு பெரிய போருக்கு வழிவகுத்துடும்னு அவங்க பயந்தாங்க.
டிரம்பும் இதுநாள் வரைக்கும், “உக்ரைனுக்கு தற்காப்பு ஆயுதங்கள் மட்டும்தான் கொடுக்கணும்”னு சொல்லிட்டு இருந்தாரு. ஆனா, இப்போ அவரோட மனசு மாறியிருக்கு. சமீபத்துல, நேட்டோ நாடுகளுக்கு ஆயுதங்களை விற்க டிரம்ப் சம்மதிச்சிருக்காரு. அந்த நாடுகள், அந்த ஆயுதங்களை உக்ரைனுக்குக் கொடுக்கலாம்.
ஒரு காங்கிரஸ் உதவியாளர் சொல்றாரு, “உக்ரைனுக்கு ஒரே ஒரு டோமாஹாக்கை அனுப்பினா கூட போதும், அது ரஷ்யர்களை வேற எதையும் விட அதிகமா பயமுறுத்தும்”னு. குறைந்தபட்சம், இது புதினை பேச்சுவார்த்தை மேசைக்குக் கொண்டு வரும்னு நிபுணர்கள் நம்புறாங்க.
இந்தச் செய்தி ரஷ்யாவுக்குப் போனதும், அவங்க ரொம்பவே உஷாராயிட்டாங்க. கிரெம்ளின் செய்தித் தொடர்பாளர் டிமிட்ரி பெஸ்கோவ் என்ன சொல்லியிருக்காருன்னா, “நாங்க இதை ரொம்பக் கவனமா பார்த்துட்டு வர்றோம்”னு சொல்லியிருக்காரு.
அவர் ரெண்டு முக்கியமான கேள்விகளை எழுப்பியிருக்காரு. “இந்த ஏவுகணைகளை யார் இயக்குவாங்க? உக்ரைன் வீரர்களா, இல்ல அமெரிக்க வீரர்களா? இந்த ஏவுகணைகளோட இலக்கை யார் முடிவு பண்ணுவாங்க? அமெரிக்காவா, இல்ல உக்ரைனா?”
இது ஏன் ஒரு முக்கியமான கேள்வினா, ரஷ்ய அதிபர் புதின் முன்னாடியே ஒரு எச்சரிக்கை விடுத்திருக்காரு. “ரஷ்யாவுக்குள்ள தாக்குதல் நடத்துறதுக்கு, அமெரிக்கா தகவல்களைக் கொடுத்தா, அவங்களும் இந்தப் போர்ல நேரடியா ஈடுபடுறதா நாங்க கருதுவோம்”னு. இது ஒரு நேரடியான எச்சரிக்கை.
அமெரிக்க துணை அதிபர் ஜே.டி. வான்ஸ் சொல்லியிருக்காரு, “இந்த விஷயத்துல அதிபர் டிரம்ப் தான் இறுதி முடிவை எடுப்பார்”னு. ஆனா, அமெரிக்காவோட உக்ரைனுக்கான சிறப்புத் தூதர் கீத் கெல்லாக் சொல்றதைப் பார்த்தா, பதில் ‘ஆம்’னுதான் தோணுது. “ஆழமாகத் தாக்கும் திறனைப் பயன்படுத்துங்கள். இனிமேல் பாதுகாப்பான இடங்கள் என்று எதுவும் இல்லை”ன்னு டிரம்ப் சிக்னல் கொடுத்திருக்கிறதா அவர் சொல்லியிருக்காரு.
டிரம்ப் ஒருபக்கம் புதினைப் பேச்சுவார்த்தைக்கு அழைக்கிறாரு, இன்னொரு பக்கம் உக்ரைனுக்கு டோமாஹாக் ஏவுகணைகளைக் கொடுக்கவும் யோசிக்கிறாரு. இது ஒரு அழுத்தமான ராஜதந்திர நகர்வு. இந்த ஒரு ஆயுதம், உக்ரைன் போரோட அடுத்த கட்டத்தை முடிவு செய்யப்போகுது. டிரம்ப்பின் இந்த அதிரடி மூவ், அமைதிக்கு வழிவகுக்குமா, இல்ல போரை இன்னும் தீவிரமாக்குமான்னு நாம பொறுத்திருந்துதான் பார்க்கணும்.