தங்கம் விலை ஏறுதுன்னு நாம கவலைப்பட்டுட்டு இருந்தா, இப்போ வெள்ளியும் விண்ணைத் தொட்டுருச்சு! ஆம், “ஏழைகளின் தங்கம்” என்று அழைக்கப்படும் வெள்ளி, ஒரு அவுன்ஸ் 50 டாலர்களைத் தாண்டி, அதாவது ரூபாய் மதிப்புல 4436.84 ரூபாயை தாண்டி வரலாறு படைச்சுருச்சு. 1980-ஆம் ஆண்டுக்குப் பிறகு, இதுவே வெள்ளியின் மிகப்பெரிய உச்சமாகும்.
சரி, ஏன் இந்த திடீர் ராக்கெட் வேக உயர்வு? கோடக் மஹிந்திராவின் நிர்வாக இயக்குனர் நிலேஷ் ஷா, இதற்கான காரணங்களைப் பட்டியலிட்டுள்ளார். முதல் முக்கிய காரணம், சோலார் பேனல்கள்! ஆம், சூரிய ஆற்றல் துறை அபரிமிதமாக வளர்ந்து வருவதால், சோலார் பேனல் தயாரிப்பிற்கு வெள்ளியின் தேவை பல மடங்கு அதிகரித்துள்ளது.
இன்னொரு பெரிய காரணம், சவுதி அரேபிய வங்கிகள்! உலக நாடுகளோட மத்திய வங்கிகள் தங்கத்தை வாங்கிக் குவிச்ச மாதிரி, இப்போ சவுதி வங்கிகள் வெள்ளிப் பத்திரங்களை, அதாவது Silver ETF-களை வாங்கிக் குவிக்கிறதா ஒரு தகவல் வெளியாகியிருக்கு. இது வெள்ளியின் விலையை மேலும் எகிற வைத்துள்ளது. அமெரிக்க அரசாங்க முடக்கமும், முதலீட்டாளர்களைப் பாதுகாப்பான வெள்ளியின் பக்கம் திருப்பியுள்ளது.
இந்த விலை உயர்வோட தாக்கம் இந்தியால எப்படி இருக்கு? நம்ம ஊர்ல வெள்ளிக்கு பயங்கர தட்டுப்பாடு ஏற்பட்டிருக்கு. அதனால, வெளிநாட்டு விலையை விட, நம்ம உள்நாட்டுல வெள்ளிக்கு விலை ரொம்ப அதிகமா இருக்கு. இதனால, கோடக் மியூச்சுவல் ஃபண்ட், தங்களோட சில்வர் ஃபண்ட்ல புது முதலீடுகளை தற்காலிகமா நிறுத்தி வச்சிருக்காங்க. ஏழைகளின் தங்கமான வெள்ளியின் இந்த ஜொலிப்பு தொடருமா?
