இந்த ஆண்டின் தொடக்கத்தில் இருந்து தங்கம் விலை தொடர்ந்து உயர்ந்து வந்தது. கடந்த ஜனவரி மாதத்தில் ஒரு கிராம் 22 கேரட் ஆபரணத் தங்கம் ரூ.13,450-க்கும், ஒரு சவரன் ரூ.1,07,600-க்கும் விற்பனையானது. பின்னர் விலையில் ஏற்றத் தாழ்வுகள் ஏற்பட்ட நிலையில், மார்ச் 23-ஆம் தேதி ஒரு கிராம் ரூ.13,340-க்கும், ஒரு சவரன் ரூ.1,06,720-க்கும் விற்கப்பட்டது.
அதன்பிறகு தங்கம் விலை மீண்டும் உயரத் தொடங்கியது. இந்த மாதம் 1-ஆம் தேதி ஒரு கிராம் தங்கம் ரூ.14,500-க்கும், ஒரு சவரன் ரூ.1,16,000-க்கும் விற்பனையாகி ஆண்டின் உயர்ந்த விலையை எட்டியது. ஆனால் அதன் பின்னர் விலை படிப்படியாகக் குறையத் தொடங்கியது. குறிப்பாக கடந்த 15-ஆம் தேதிக்குப் பிறகு தங்கம் விலை தொடர்ந்து சரிவை சந்தித்து வருகிறது.
நேற்று முன்தினம் ஒரு கிராம் தங்கம் ரூ.13,560-க்கும், ஒரு சவரன் ரூ.1,08,480-க்கும் விற்பனையானது. அதனைத் தொடர்ந்து நேற்றைய வர்த்தகத்தில் கிராமுக்கு ரூ.210 மற்றும் சவரனுக்கு ரூ.1,680 குறைந்து, ஒரு கிராம் ரூ.13,350-க்கும், ஒரு சவரன் ரூ.1,06,800-க்கும் விற்பனை செய்யப்பட்டது.
இந்நிலையில், இன்று சென்னையில் 22 கேரட் ஆபரணத் தங்கத்தின் விலை மேலும் குறைந்துள்ளது. சவரனுக்கு ரூ.1,680 குறைந்து ரூ.1,05,120-க்கும், கிராமுக்கு ரூ.210 குறைந்து ரூ.13,140-க்கும் விற்பனை செய்யப்படுகிறது.
தங்கம் போலவே வெள்ளி விலையும் இன்று சரிவைக் கண்டுள்ளது. ஒரு கிராம் வெள்ளி ரூ.10 குறைந்து ரூ.230-க்கு விற்பனையாகிறது. பார் வெள்ளியின் விலை ரூ.2,30,000 ஆக உள்ளது. கடந்த 10 நாட்களில் மட்டும் தங்கம் விலை சவரனுக்கு ரூ.7,360 வரை குறைந்திருப்பது குறிப்பிடத்தக்கது. இந்த விலைச் சரிவு நகை வாங்க திட்டமிட்டுள்ள பொதுமக்களுக்கு ஓரளவு நிம்மதியை அளித்துள்ளது
