இயக்குனர் ஆதிக் ரவிசந்திரன் இயக்கத்தில் அஜித் நடித்த ‘குட் பேட் அக்லி’ திரைப்படம் ஏப்ரல் 10ம் தேதி வெளியானது. இப்படத்தில் த்ரிஷா, சிம்ரன், பிரசன்னா, சுனில், அர்ஜுன் தாஸ், ப்ரியா பிரகாஷ் வாரியர் உள்ளிட்ட பலர் நடித்திருந்தனர். இப்படம் வெளியான முதல் நாளில் இருந்தே வசூலை வாரி குவித்து வருகிறது.
குட் பேட் அக்லி திரைப்படம் தமிழ்நாட்டில் மட்டும் முதல் நாள் வசூலாக 30 கோடி ரூபாயை கடந்தது. படம் வெளியாகி 15 நாட்கள் ஆன நிலையில் தற்போது வரை தமிழ் நாட்டில் மட்டும் 172.3 கோடி ரூபாயை வசூலித்துள்ளது. இதனை படக்குழு போஸ்டர் வெளியிட்டு அறிவித்துள்ளனர். அஜித் நடித்த படங்களில் அதிக வசூல் செய்துள்ள படமாக இப்படம் அமைந்துள்ளது.
