அமெரிக்கா அடித்த மரண அடி! வெடித்து சிதறிய ஈரானின் அணு ஆலைகள்..!!

கடந்த இரண்டு வாரங்களாக உலகம் முழுவதும் பதட்டம் ஏற்படுத்திய ஈரான் – இஸ்ரேல் மோதல், இப்போது மிகபெரிய திருப்புமுனையை எடுத்துள்ளது. இஸ்ரேலுக்கு ஆதரவாக நேரடியாக களமிறங்கிய அமெரிக்கா, ஈரானின் மீது வான்வழித் தாக்குதலை நடத்தி, மூன்று முக்கிய அணு தளங்களை முற்றிலும் சேதப்படுத்தியுள்ளது.

ஈரானின் ஃபோர்டோ, நடான்ஸ், இஸ்ஃபஹான் ஆகிய அணு உலைக்கள் அமெரிக்கா நடத்திய இந்த தாக்குதலில் மிகவும் கடுமையாக தாக்கப்பட்டுள்ளன. இது ஒரு சாதாரண தாக்குதல் இல்லை. மிகவும் திட்டமிட்ட ஒரு சர்ஜிக்கல் ஸ்டிரைக். இதில் பயன்படுத்தப்பட்டது B-2 ஸ்டெல்த் பாம்பர் — உலகின் மிக ரகசியமான மற்றும் சக்திவாய்ந்த போர் விமானங்களில் ஒன்று.

இந்த விமானத்தின் சிறப்பம்சம் என்னவென்றால், இது ரடாரில் தெரியாத வகையில் வடிவமைக்கப்பட்டுள்ளது. இரவில் அமைதியாக வானத்தில் நுழைந்து, இலக்குகளை தாக்கி வெளிவந்து விடும். B-2, உலகிலேயே அதிக தூரம் பறக்கக்கூடிய மற்றும் அணுகுண்டுகள் ஏற்றிச் செல்லக்கூடிய ஒரே ஸ்டெல்த் விமானம். அதன் சிறப்புமிக்க வடிவம் மற்றும் மேல் தொழில்நுட்ப விகிதாசாரத்தால், எதிரியின் பாதுகாப்பை கடந்து அதன் உள்ளேயுள்ள நோக்குகளைத் தாக்க முடிகிறது.

இப்போது ஈரானில் நடந்ததைப் பார்க்கும்போது — 3 முதல் 4 B-2 விமானங்கள், 30,000 பவுண்டுகளுக்கும் அதிக எடையுள்ள “பங்கர் பஸ்டர்” குண்டுகளுடன், ஈரானை நோக்கிச் சென்றன. இந்த குண்டுகள், நிலத்தடியில் உள்ள சுரங்கங்களைத் துளையிட்டு, உள்ளே பதிந்து வெடிக்கக்கூடியவை. இவை ஈரானின் அணுசக்தி ஆயுத உள்கட்டமைப்புகளை முற்றிலுமாக அழித்துள்ளன.

பயணத்தின் தொடக்கத்தில் குறைந்த எரிபொருளுடன் விமானங்கள் பறந்ததால், நடுவழியில் வானில் எரிபொருள் நிரப்பப்பட்டது. அதுவே தாக்குதலுக்கான முதற்கட்ட அடையாளமாகும். பின்னர், விமானங்கள் இலக்குகளை வெற்றி நோக்காக தாக்கி, பாதுகாப்பாக திரும்பின.

இந்த தாக்குதலைத் தனிப்பட்ட முறையில் உறுதி செய்த அமெரிக்க அதிபர் டொனால்ட் டிரம்ப், “ஈரானில் உள்ள மூன்று முக்கிய அணு தளங்களை நாங்கள் வெற்றிகரமாக தாக்கி அழித்துள்ளோம். இது உலகில் வேறு எந்த ராணுவத்தாலும் செய்ய முடியாத ஒரு சாதனை,” என்று பெருமையுடன் தெரிவித்துள்ளார்.

இப்போது அனைத்தும் மிக நுண்ணிய சமநிலையில் உள்ளது. ஈரான் இதற்கு கடும் பதிலடி கொடுக்கும் வாய்ப்பு அதிகம். ஏற்கனவே, தங்களை தாக்கினால் பதிலடி நிச்சயம் வரும் என்று அவர்கள் எச்சரித்துள்ளனர். ஈரான் வெளியுறவு அமைச்சர் அப்பாஸ் அராக்சி, “மக்கள் குண்டுவீச்சை எதிர்கொண்டு இருக்கும் போது, அமெரிக்காவுடன் எந்தவொரு பேச்சுவார்த்தையும் சாத்தியமில்லை,” என்று கடுமையாக கண்டனம் தெரிவித்துள்ளார்.

உலகம் இன்று ஒரு வெடிக்கும் நிலைக்குள் நுழைந்துள்ளது. இந்த தாக்குதல், மூன்றாம் உலகப்போருக்கு வாசல் திறக்கப்போகிறதா? என்ற கேள்வி, எல்லோருடைய மனதிலும் வலுத்து எழுகிறது.