சர்வதேச சந்தையில் கச்சா எண்ணெயின் விலை மற்றும் அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றைக் கணக்கில் கொண்டு எண்ணெய் நிறுவனங்கள் பெட்ரோல், டீசல் மற்றும் சமையல் கியாஸ் சிலிண்டர்களின் விலைகளை நிர்ணயித்து வருகின்றன.
இதில் சமையல் கியாஸ் சிலிண்டர்களின் விலை மாதத்தின் முதல் தேதியில் மாற்றி அமைக்கப்பட்டு வருகிறது. அந்த வகையில் இந்த மாதம், எண்ணெய் நிறுவனங்கள் வெளியிட்டுள்ள அறிவிப்பின்படி, வணிக பயன்பாட்டிற்கான Gas சிலிண்டரின் விலை குறைந்துள்ளது.
19 கிலோ எடைகொண்ட வணிக பயன்பாட்டிற்கான எரிவாயு சிலிண்டர் 51 ரூபாய் 50 காசுகள் குறைந்து ஆயிரத்து 580 ரூபாய்க்கு விற்பனை செய்யப்படும் என்று தெரிவிக்கப்பட்டுள்ளது. அதேவேளை, வீட்டு உபயோக Gas சிலிண்டர் விலையில் மாற்றமில்லை என தெரிவிக்கப்பட்டுள்ளது.