“பொய்வழக்கு போட முயற்சி” – அதிமுக-வினர் அமளி

tn
Advertisement

சட்டப்பேரவையில் இன்று கொடநாடு விவகாரம் தொடர்பாக முதல்வர் பேசிக்கொண்டிருக்கும்போது அதிமுக உறுப்பினர்கள் கடும் அமளியில் ஈடுபட்டனர்.

இதையடுத்து, அவர்களை வெளியேற்றுமாறு சபாநாயகர் அப்பாவு உத்தரவிட்டார்.

இதைக்கண்டித்து பாஜக, பாமக, சட்டமன்ற உறுப்பினர்களும் பேரவையில் இருந்து வெளிநடப்பு செய்தனர்.

பின்னர், திமுக அரசைக்கண்டித்து பதாகைகளை ஏந்தியவாறு அதிமுக எம்.எல்.ஏக்கள் பேரவைக்கு வெளியை தர்ணா போராட்டத்தில் ஈடுபட்டனர்.

Advertisement

பொய்வழக்கு போட முயற்சிப்பதாக தமிழக அரசைக்கண்டித்து அதிமுக எம்.எல்.ஏக்கள் முழக்கங்களை எழுப்பினர்.

கொடநாடு வழக்கில் என்னை சேர்க்க சதித்திட்டம் தீட்டப்படுவதாக எதிர்க்கட்சித்தலைவர் எடப்பாடி பழனிசாமி குற்றம்சாட்டினார்.

வெளிநடப்பு செய்த பின்னர், தர்ணா போராட்டத்தினிடையே பேட்டியளித்த எடப்பாடி பழனிசாமி, வழக்கு முடிவையக்கூடிய நிலையில் அதிமுக நிர்வாகிகளை சேர்ப்பதற்காக சயானிடம் வாக்குமூலம் பெறப்படுவதாக குற்றம்சாட்டினார்.

முன்னதாக வெளிநடப்பு செய்தபின்னர் பேட்டியளித்த எதிர்க்கட்சி துணைத்தலைவர் ஓ.பன்னீர் செல்வம், அதிகாரத்தை பயன்படுத்தி எதிர்க்கட்சியினரை நசுக்க ஆளுங்கட்சியினர் முயற்சிப்பதாக குற்றம்சாட்டினர்.

ஆளுங்கட்சியின் அராஜகப்போக்கைக் கண்டித்து இன்றும்நாளையும் பேரவையை அதிமுக புறக்கணிக்கும் என்றும் ஓ.பன்னீர் செல்வம் அறிவித்தார்.