தமிழ் சினிமாவின் முன்னணி நடிகர் அஜித். இவருக்கு ஒரு தனி ரசிகர்கள் பட்டாளமே உள்ளது. இந்த நிலையில் இந்த ஆண்டு அஜித் நடிப்பில் விடாமுயற்சி மற்றும் குட் பேட் அக்லி என இரண்டு திரைப்படங்கள் வெளியானது. ஆனால், இதில் குட் பேட் அக்லி திரைப்படம் வசூலில் நல்ல வரவேற்பை பெற்று வெற்றியடைந்தது.
GBU திரைப்படத்தின் வெற்றியை தொடர்ந்து மீண்டும் இயக்குநர் ஆதிக் ரவிச்சந்திரன் இயக்கத்தில் தனது 64வது படத்தில் அஜித் நடிக்கவுள்ளார். இந்த திரைப்படத்தின் படப்பிடிப்பு அடுத்த ஆண்டு ஜனவரி மாதம் முதல் துவங்கும் என சொல்லப்படுகிறது.
இந்த நிலையில் நடிகர் அஜித் குறித்த தகவல் வெளியாகியுள்ளது. அதாவது கடந்த 2012ஆம் ஆண்டு கேளம்பாக்கம் கண்டிகை பகுதியில் தனது வீட்டின் சமையல்காரர், டிரைவர், தோட்டக்காரர்கள் என மொத்தம் 12 பேருக்கு தனித்தனியாக 1500 சதுர அடியில் வரிசையாக வீடு கட்டிக் கொடுத்துள்ளாராம். மேலும், இந்த பகுதிக்கு அஜித் அவென்யூ என பெயர் வைக்கப்பட்டுள்ளது என்று தகவல் வெளியாகுயுள்ளது.
