தங்கம் விலை கடந்த சில நாட்களாக தொடர்ந்து ஏற்ற, இறக்கத்துடன் காணப்படுகிறது. குறிப்பாக ஜூன் மாத இறுதியில் தங்கத்தின் விலை கணிசமாக சரிந்த நிலையில், அதன் பின்னர் மீண்டும் உயர்வை பதிவு செய்து வருகிறது. நேற்று முன்தினம் ஒரே நாளில் இரு முறை விலை மாற்றம் ஏற்பட்டது.
காலையில் சவரனுக்கு ரூ.2,160 குறைந்த விலை, மாலையில் ரூ.1,360 உயர்ந்தது. அதேபோல் நேற்று காலையிலும் கிராமுக்கு ரூ.100 மற்றும் சவரனுக்கு ரூ.800 குறைந்திருந்த தங்கம், மாலையில் கிராமுக்கு ரூ.150 மற்றும் சவரனுக்கு ரூ.1,200 உயர்ந்தது. இதன் விளைவாக, மொத்தத்தில் கிராமுக்கு ரூ.50 மற்றும் சவரனுக்கு ரூ.400 அதிகரித்து, ஒரு கிராம் ரூ.13,250-க்கும், ஒரு சவரன் ரூ.1,06,000-க்கும் விற்பனை செய்யப்பட்டது.
இந்நிலையில், இன்று மீண்டும் தங்கம் விலையில் குறிப்பிடத்தக்க உயர்வு ஏற்பட்டுள்ளது. சென்னையில் 22 கேரட் ஆபரணத் தங்கத்தின் விலை சவரனுக்கு ரூ.1,200 உயர்ந்து ரூ.1,07,200-ஆக நிர்ணயிக்கப்பட்டுள்ளது. ஒரு கிராம் தங்கத்தின் விலை ரூ.150 உயர்ந்து ரூ.13,400-க்கு விற்பனை செய்யப்படுகிறது.
தங்கம் மட்டுமின்றி, வெள்ளி விலையும் இன்று உயர்வைக் கண்டுள்ளது. ஒரு கிராம் வெள்ளி ரூ.5 உயர்ந்து ரூ.250-க்கு விற்பனையாகிறது. அதேபோல், ஒரு கிலோ பார் வெள்ளியின் விலை ரூ.2,50,000 ஆக உள்ளது.
தங்கம் மற்றும் வெள்ளி விலையில் தொடர்ச்சியான இந்த மாற்றங்கள் நகை வாங்க திட்டமிடுபவர்களும் முதலீட்டாளர்களும் கவனமாக சந்தை நிலவரத்தை கண்காணிக்க வேண்டிய அவசியத்தை ஏற்படுத்தியுள்ளது.
