இந்த ஆண்டு பல்வேறு நாடுகளின் மத்திய வங்கிகள் தங்கள் தங்கக் கையிருப்புகளை அதிகரித்து கொண்டிருக்கின்றன. குறிப்பாக சீனா, மிக அதிக அளவில் தங்கத்தை வாங்கி வைத்துள்ளது. சீன அரசாங்கமும், சீன மக்களும் தங்கள் நிதி பாதுகாப்புக்காக தங்கம் சேமிக்க வேண்டும் என அறிவுறுத்தி வருகின்றனர்.
சீனாவின் லியானிங் பகுதியில் உள்ள ஒரு தங்கச் சுரங்கத்தில், சுமார் 1444 டன்கள் தங்கம் இருப்பு கண்டுபிடிக்கப்பட்டுள்ளது. இது 1949-க்கு பிறகு சீனாவில் முதன்முறையாகப் பெரிய அளவில் கண்டுபிடிக்கப்பட்ட தங்க சுரங்கமாகும். இந்த ஆய்வில் 1000க்கும் மேற்பட்ட தொழில்நுட்ப வல்லுநர்கள் மற்றும் தொழிலாளர்கள் 15 மாதங்கள் கடுமையாக பணியாற்றி இதை கண்டறிந்துள்ளனர்.
2024-ல் சீனாவின் ஹுனான் மாகாணத்தில் சுமார் 1000 டன்கள் மற்றும் காஞ்சு பகுதியில் 40 டன்கள் தங்கம் இருப்பது கண்டுபிடிக்கப்பட்டது. சீனா உலகிலேயே அதிக அளவில் தங்கம் இறக்குமதி செய்யும் நாடாக உள்ளது.
இந்த இடத்தில் கண்டுபிடிக்கப்பட்ட தங்கத்தின் தரம் குறைந்தாலும், அதன் அளவு மிகப்பெரியது என கூறப்படுகிறது. இதன் பொருளாதார மதிப்பு 166 பில்லியன் யூரோக்கள் அளவு இருப்பதாக சீன இயற்கை வள அமைச்சகம் தெரிவித்துள்ளது.
இதனால் சீனா தங்கத்தின் safe-haven asset (பாதுகாப்பான சொத்து) என்று கருதப்படுவதால், இதன் கையிருப்பு மற்றும் மக்கள் முதலீட்டுக்கு இது பெரும் ஆதரவாக விளங்கும். சீனாவின் மத்திய வங்கி இந்த ஆண்டில் 25 டன் மட்டுமே தங்கம் வாங்கியதாக அதிகாரப்பூர்வமாக அறிவித்துள்ளபோதும், எதிர்பாராத அளவில் அதிகமாக சூழலுக்குள் வாங்கியிருக்க வாய்ப்பு உள்ளது.
இதன் மூலம் சீனா தங்க சந்தையில் வலிமையான பங்கு பெறும் என்றும், உலக பொருளாதார சூழல் மாறும் போது தங்கத்தின் விலை உயர்விலும் பெரிய தாக்கம் ஏற்படும் என்று வல்லுநர்கள் கருத்து கூறுகின்றனர்.
