உங்க டெபிட் கார்டு PIN நம்பர் அடுத்தவங்களுக்கு தெரியாம இருக்கணுமா? இதையெல்லாம் பண்ணுங்க

அன்றாட பணப் பரிவர்த்தனைகளுக்கு டெபிட் கார்டுகள் மிகவும் உதவுகின்றன. ஆனால், டெபிட் கார்டுகளை பயன்படுத்தும் போது மிகவும் நுட்பமாக கவனிக்க வேண்டியது அவசியம். குறிப்பாக, உங்கள் தனிப்பட்ட ஐடென்டிபிகேஷன் நம்பர் (PIN) திருடப்பட்டால் அது பெரிய பிரச்சனை ஏற்படுத்தும். தற்போது PIN திருட்டு சம்பவங்கள் அதிகமாக உள்ளன. எனவே எச்சரிக்கையாக இருக்கவேண்டியது அவசியம்.

எப்பொழுதுமே ATM அல்லது செக்-அவுட் கவுன்ட்டரில் PIN நம்பரை என்டர் செய்யும்போது, உங்களுடைய கைகளை பயன்படுத்தி கீபேடை மறைத்துக் கொண்டு PIN நம்பரை என்டர் செய்யுங்கள். இவ்வாறு நீங்கள் செய்யும்போது அருகில் இருக்கும் நபருக்கோ அல்லது அங்கு மறைமுகமாக வைக்கப்பட்டிருக்கும் கேமராக்கள் மூலமாகவோ நீங்கள் என்டர் செய்யும் PIN நம்பர் தெரியாது.

எந்த ஒரு வங்கி அல்லது நிதி நிறுவனம் உங்களுடைய PIN எண்ணை கேட்டு போன், மின்னஞ்சல் அல்லது செய்தித் தொடர்புகளில் அத்தகைய விவரங்களை கேட்காது. எனவே யாரிடமும் ATM கார்டின் PIN நம்பரை பகிர்ந்து கொள்ள வேண்டாம்.

கேஷ் எடுப்பதற்கான ATM-ஐ வங்கி கிளைகள் அல்லது மக்கள் நடமாட்டம் அதிகமான பாதுகாப்பான இடங்களில் இருக்கும் நிலையைப் பயன்படுத்துங்கள். தனியாக உள்ள ATM-களை தவிருங்கள்.

பேங்க் ஸ்டேட்மென்ட் மற்றும் மொபைல் பேங்கிங் பயன்பாடுகளை வழக்கமாக சரிபார்த்து, அங்குள்ள பணப்பரிவர்த்தனைகள் அனைத்தும் சரியென உறுதி செய்யுங்கள். சந்தேகத்திற்குரிய பணப்பரிவர்த்தனைகள் இருந்தால் உடனடியாக வங்கியுடன் தொடர்பு கொண்டு உங்கள் கார்டை பிளாக் செய்யுங்கள்.

வங்கி ஊழியர்கள் போல முகவரிகள், SMS, வாட்ஸ்அப் செய்திகளின் வழியாக அனுப்பப்படும் தேவையில்லாத லிங்க்குகளை ஓபன் செய்யவேண்டாம். இதன் மூலம் உங்கள் PIN மற்றும் கார்டு விவரங்கள் திருடப்பட வாய்ப்பு உள்ளது.

இந்த எளிய எச்சரிக்கை நடவடிக்கைகள் உங்கள் டெபிட் கார்டு பயன்பாட்டை பாதுகாக்கும்.