மரண அடி கொடுத்த ஈரான்! உலக நாடுகளிடம் கையேந்தும் இஸ்ரேல்! கை கொடுக்குமா நான்கு நாடுகள் ?

மேற்கே பிராந்தியத்தில் மிகப் பெரிய பதற்றத்தைக் கிளப்பிய ஒரு சம்பவம் சமீபத்தில் நடைபெற்றது. ஈரான், இஸ்ரேல் மீது மிகப்பெரிய அளவில் திட்டமிட்ட தாக்குதலை மேற்கொண்டது. நூற்றுக்கணக்கான ஆளில்லா விமானங்களும் (drones) மற்றும் பல்வேறு வகையான ஏவுகணைகளும் ஒரே நேரத்தில் இஸ்ரேலை நோக்கி பாய்ந்தன. இந்த தாக்குதலால் இஸ்ரேலின் பாதுகாப்பு அமைப்புகள் சோதனைக்குள்ளானது. சில ஏவுகணைகள் தடுப்புகளை மீறி இஸ்ரேலின் முக்கிய நகரங்களையும், வசிப்புப் பகுதிகளையும் தாக்கின. இதில் டெல் அவிவ் நகரம் கடுமையாக சேதமடைந்தது.

இஸ்ரேல், தனது வான் பாதுகாப்பு அமைப்புகளான அயர்ன் டோம், டேவிட்ஸ் ஸ்லிங், ஆரோவ் போன்ற பல அடுக்குகளைக் கொண்டு இந்த தாக்குதலைத் தடுக்க முயற்சித்தது. இருந்தாலும் எதிர்பார்த்தபடி இவை முழுமையாக வெற்றியளிக்கவில்லை. 200க்கும் மேற்பட்ட பாலிஸ்டிக் ஏவுகணைகள் ஒரே நேரத்தில் பாய்ந்ததால், இஸ்ரேலின் பாதுகாப்பு அமைப்புகள் பரபரப்புடன் செயல்பட வேண்டிய நிலை உருவானது. இது இஸ்ரேலின் பாதுகாப்பு திறனை அழுத்தமாக சோதித்துவிட்டது.

இந்த மிகுந்த அழுத்தத்தை தாங்க முடியாத நிலைக்கு இஸ்ரேல் சென்றதால், அது உடனடியாக சர்வதேச ஆதரவை நாடியது. அமெரிக்கா, இங்கிலாந்து, பிரான்ஸ், ஜோர்டான் ஆகிய நாடுகளிடம் பாதுகாப்பு துணையை கோரியது.இந்த தாக்குதலில் அமெரிக்கா தனது மத்திய கிழக்கு தளங்களில் இருந்து ஏவுகணைகள் செலுத்தியிருக்க வாய்ப்பு உள்ளதாகவும். அதே நேரத்தில் விமானப்படையின் கப்பல்களும் செயல்படலாம் என எதிர்பார்க்கப்படுகிறது.

தாக்குதலை எதிர்க்கும் முயற்சி மட்டுமல்ல — இஸ்ரேல், ஈரானின் முக்கிய அணு மையங்களை (nuclear facilities) குறிவைத்து தாக்கும் முயற்சியிலும் ஈடுபட்டுள்ளது. குறிப்பாக, ஃபோர்டோவ் யுரேனியம் செறிவூட்டும் தளம் இஸ்ரேலின் இலக்காக இருக்கலாம். ஆனால் அந்தத் தளம் மலைக்குள் ஆழமாக அமைந்ததால், அதனை தாக்க இஸ்ரேலுக்கு போதுமான சக்தி வாய்ந்த குண்டுகள் இல்லை. ஆனால் அமெரிக்காவிடம் அந்த வகையான ரகசிய குண்டுகளும், அதனை எடுத்துச் செல்லக்கூடிய விமானங்களும் உள்ளன.

மேலும், ஈரானின் ட்ரோன் தாக்குதல்களை தடுக்கவும், வான்வெளியை பயன்படுத்த அனுமதி பெறவும், இஸ்ரேல் ஜோர்டானிடம் அனுமதி கேட்டுள்ளது. இங்கிலாந்தும், பிரான்ஸும் தங்களது ராணுவ ஆதரவை வழங்குமாறு இஸ்ரேல் கேட்டுள்ளது.

இது ஏன் இவ்வளவு கடுமையாக மாறியது? என்றால காரணம் ஒன்றுதான் — ஈரான் தற்போது மிகவும் வலிமையான இராணுவம் கொண்ட நாடாக மாறியுள்ளது. இஸ்ரேல் தனியாக இதைப் சமாளிக்க முடியாத அளவுக்கு இது பெரிய தாக்குதலாக அமைந்துள்ளது. உலக நாடுகளின் ஒருங்கிணைந்த உதவி இல்லாமல், இஸ்ரேலுக்கு தன்னைத்தானே முழுமையாக பாதுகாக்கவே முடியாத நிலை உருவாகியுள்ளது.