தங்கம் விலை நாளுக்கு நாள் ஏறிக்கொண்டே போகிறது. ஒரு கிராம் தங்கம் இப்போது ரூ.8,950. ஒரு சவரன் ரூ.71,600! இந்த விலையில் தங்கம் வாங்கலாமா வேண்டாமா என்ற கேள்வி தான் இப்போது பலரின் மனதில் இருக்கும் குழப்பம்.
தங்கம் என்பது எப்போதும் பாதுகாப்பான முதலீடாகவே பார்க்கப்படுகிறது. ஆனால் இப்போது விலை அதிகமாக இருப்பதால், “இப்போது வாங்குவது சரியா?” என்ற சந்தேகம் எழுகிறது.
இந்த சந்தேகத்திற்கு பதிலளிக்க பிரபல பொருளாதார நிபுணர் ராஜேஷ் ஒரு முக்கியமான விளக்கம் அளித்திருக்கிறார். கடந்த மே 23-ம் தேதி அவர் தனது X பக்கத்தில் போட்ட பதிவே தற்போது வைரலாகி வருகிறது.
அவர் சொல்வது என்னவென்றால் — “தங்கம் விலை அதிகமாகி விட்டால் அதை மக்கள் வாங்க முடியாது. வாங்க முடியாத அளவுக்கு விலை போனால், தேவையும் குறையும்.” அதாவது தங்கம் விலை எகிறும்போது அதை பணமாக்கும் சக்தி குறையப்போகிறது என்பதுதான் முக்கியமான எச்சரிக்கை.
அதோடு அவர் கூறுவது — “Demand குறைந்துவிட்டால், சந்தையில் தங்கம் தேங்கி நிற்கும். விற்பனை நடக்காது. அப்போ supply அதிகமாகி விடும்.”
இது தங்கத்தின் விலையை கீழே இழுக்கும் முக்கியமான காரணமாக மாறும்.
மேலும் அவர் சொல்வது — “விலை குறையுதேன்னு தெரிந்தவுடனே பலரும் panic selling பண்ணுவாங்க. யாராவது லாபம் பார்த்திருக்காங்கன்னா profit booking பண்ணுவாங்க. இதனால் விலை இன்னும் குறையும்.”
இது ஒரு முக்கியமான புள்ளி. அதாவது, விலை ஏறுகிறது என நினைத்து இப்போது வாங்கினால் , சில வாரங்களில் விலை குறைய வாய்ப்பு இருக்கிறது. அப்போது, நாம் வாங்கியதற்குப் பிறகு அதே தங்கத்தை விற்றால் நமக்கே நஷ்டமாக ஆகும்.
முடிவில் – பொருளாதார நிபுணர் ராஜேஷ் என்ன சொல்கிறார் என்றால், தங்கம் விலை மிக உயரத்தில் இருக்கும்போது அதைப் வாங்குவது ரிஸ்க்கானது. விலை சற்று நிலைவந்த பிறகு, தேவைக்கும் வருமானத்திற்கும் ஏற்ப முதலீடு செய்யலாம்.
அதனால், இப்போது விலை உச்சத்தில் இருக்கும்போது அவசரமாக தங்கம் வாங்கவேண்டாம். சற்று காத்திருந்து, சந்தையை பாருங்கள். விலை குறையும் வாய்ப்பு இருப்பதால், சற்றுப் பொறுத்திருக்க தான் நிபுணர் பரிந்துரை செய்கிறார்.