இந்தியா-அமெரிக்கா இடையிலான வர்த்தக போர் சூழலில், இந்திய ரூபாய் இப்போது ஒரு புதிய உயரத்தைத் தொட்டிருக்கிறது. ஆம், ஏப்ரல் 15-ம் தேதி காலை தொடக்க வர்த்தக நேரத்தில், இந்திய ரூபாய் 20 பைசா உயர்ந்து 85.86 என்ற அளவிற்கு சென்றுள்ளது. இந்த உயர்வுக்கு காரணம், அமெரிக்க அதிபர் டொனால்ட் டிரம்ப் மேற்கொண்ட சில முக்கிய முடிவுகள்.
அமெரிக்கா தொடர்ந்து சீனாவிற்கு எதிராக வரிக் கட்டணங்களை உயர்த்தியதைத் தொடர்ந்து, உலகளாவிய சந்தைகளில் பதட்டம் ஏற்பட்டுள்ளது. இதனால் அமெரிக்க பங்குச் சந்தைகள் சரிவை சந்திக்கத் தொடங்கின. முதலீட்டாளர்கள் பயந்து பங்குகளை விற்பனை செய்யத் தொடங்கியதால், டாலரின் மதிப்பும் சரிவடையத் தொடங்கியது.
இந்த சரிவின் நேரடி பலனாக, இந்திய ரூபாய் மதிப்பு உறுதியுடன் மேலேறியது. குறிப்பாக, கடந்த ஐந்து நாட்களில் நான்கு அமர்வுகளில் அமெரிக்க டாலர் 4.22% சரிந்திருப்பது குறிப்பிடத்தக்கது. மேலும் ஏப்ரல் 15 ஆம் தேதி காலை 09:06 மணிக்கே, டாலர் குறியீடு சிறிதளவு உயர்ந்தாலும், மொத்தப் பார்வையில் சரிவே அதிகம்.
இதே நேரத்தில், டிரம்ப் இன்னொரு முக்கிய முடிவையும் எடுத்துள்ளார். வாகன இறக்குமதிகளுக்கான 25% வரியை தற்காலிகமாக இடைநிறுத்துவதாக அறிவித்துள்ளார். இது இந்தியா போன்ற நாடுகளுக்குப் பெரிய நன்மையாக அமைந்திருக்கிறது. இதனால் இந்திய பங்குச் சந்தையில், குறிப்பாக டாடா மோட்டார்ஸ் உள்ளிட்ட முக்கிய ஆட்டோ பங்குகள் உயர்ந்துள்ளன.
இந்த பாசிட்டிவ் சூழல் இந்திய பங்குச் சந்தையின் நிஃப்டி, சென்செக்ஸ் ஆகியவற்றிலும் உயர் நோக்கத்தை உருவாக்கியுள்ளது. உலகமெங்கும் மந்தநிலை அச்சம், பணவீக்க சூழல், வரிக் கட்டண மாற்றங்கள் போன்றவை நடந்துகொண்டிருக்கும் நிலையில், இந்திய ரூபாயின் மதிப்பு இப்படி உயர்வது நம்மிடையே நம்பிக்கையை ஏற்படுத்துகிறது.
எல்லாம் சாமான்யமா நடக்கின்ற நேரத்தில் கூட, உலக அரசியல், வர்த்தக முடிவுகள் நம் நிதி சந்தைகளில் எப்படிச் செம்மையாக தாக்கத்தை ஏற்படுத்துகிறதென்று இப்போதெல்லாம் நம்மால் தெளிவாகப் பார்க்க முடிகிறது.