அருண்குமார் இயக்கத்தில் விக்ரம் நடிப்பில் இந்த ஆண்டு வெளியான திரைப்படம் ‘வீர தீர சூரன்’.
இந்தப் படத்தை தொடர்ந்து ‘மெய்யழகன்’ பட இயக்குநர் ப்ரேம்குமார் இயக்கத்தில் விக்ரம் நடிப்பார் என தகவல் வெளியானது. ஆனால், அந்தப் படம் கைவிடப்பட்டதாக சொல்லப்படுகிறது. மேலும், ‘மாவீரன்’ பட இயக்குநர் மடோன் அஸ்வின் இயக்கத்தில் விக்ரம் நடிப்பார் என கூறப்பட்டது. ஆனால், அந்தப் படத்தின் எழுத்து பணிகளில் இருப்பதால் இந்த படமும் தள்ளிபோவதாக கூறப்படுகிறது.
இதனால் அடுத்து யார் இயக்கத்தில் விக்ரம் நடிப்பார் என எதிர்பார்ப்பு எழுந்த நிலையில் விக்ரம் நடிக்கும் 63-வது திரைப்படத்தை அறிமுக இயக்குநர் போடி ராஜ்குமார் இயக்குவதாக அறிவிக்கப்பட்டுள்ளது.
இந்தப் படத்தின் படப்பிடிப்பு விரைவில் தொடங்க இருக்கிறது. இது குறித்து போஸ்டரை படக்குழு வெளியிட்டுள்ளது.ஒருவேளை, இப்படம் கேங்க்ஸ்டர் படமாக இருக்கும் என்பதை கணிக்க முடிகிறது.
இதற்கு முன்னதாக 23 ஆண்டுகளுக்கு முன்பு கடந்த 2002-ம் ஆண்டு பாலாஜி சக்திவேல் இயக்கத்தில் ‘சாமுராய்’ படத்தில் நடித்திருந்தார் விக்ரம். பாலாஜி சக்திவேலுக்கு அது தான் முதல் படம் ஆகும். அதன் பிறகு தற்போது அறிமுக இயக்குநர் இயக்கத்தில் விக்ரம் நடிக்க இருப்பது குறிப்பிடத்தக்கது.
