நவம்பர் மாதம் வரைதான் டைம்., பென்சன் வாங்குவோருக்கு முக்கிய அப்டேட்

நவம்பர் மாதம் ஓய்வூதியம் பெறுபவர்களுக்கு மிகவும் முக்கியமான மாதமாகும். இந்த மாதத்தில் கட்டாயம் ஆயுள் சான்றிதழை (Life Certificate) சமர்ப்பிக்க வேண்டும். இந்த சான்றிதழ், ஓய்வூதியம் பெறுபவர் உயிருடன் இருப்பதை உறுதிப்படுத்தும் அதிகாரப்பூர்வ ஆவணமாகும். இதை சமர்ப்பித்தால் மட்டுமே அடுத்த மாத ஓய்வூதியம் வழங்கப்படும். குறிப்பிட்ட காலக்கெடுவுக்குள் சான்றிதழை சமர்ப்பிக்காவிட்டால், ஓய்வூதியம் தற்காலிகமாக நிறுத்தப்படும்.

முக்கிய நோக்கம்

இந்த சான்றிதழ் மூலம், இறந்தவர்களின் பெயரில் தவறாக ஓய்வூதியம் தொடர்ந்து வழங்கப்படுவதைத் தடுக்க முடியும். மத்திய அரசு ஒவ்வொரு ஆண்டும் நவம்பர் 1 முதல் நவம்பர் 30 வரை இந்த சான்றிதழை சமர்ப்பிப்பதற்கான காலக்கெடுவை நிர்ணயித்துள்ளது. 80 வயதுக்கு மேற்பட்டவர்களுக்கு சிறப்பு சலுகை வழங்கப்பட்டுள்ளது. அவர்கள் அக்டோபர் 1 முதல் நவம்பர் 30 வரை இந்த சான்றிதழை சமர்ப்பிக்கலாம்.

தேவையான ஆவணங்கள்

• ஆதார் எண்
• ஆதார் எண்ணுடன் இணைக்கப்பட்ட மொபைல் எண்
• ஓய்வூதிய கொடுப்பனவு ஆணை எண் (PPO Number)
• வங்கி கணக்கு எண்
• IFSC குறியீடு
• கைரேகை அல்லது கருவிழி ஸ்கேன் போன்ற பயோமெட்ரிக் தகவல்கள்

டிஜிட்டல் ஆயுள் சான்றிதழ் (DLC)

ஓய்வூதியம் பெறுபவர்கள் வங்கி அல்லது தபால் நிலையத்திற்குச் செல்ல வேண்டிய அவசியமில்லை. அரசு ‘டிஜிட்டல் ஆயுள் சான்றிதழ்’ (DLC) வசதியை அறிமுகப்படுத்தியுள்ளது. இதன் மூலம் சில நிமிடங்களில் வீட்டிலிருந்தே இந்த சான்றிதழைப் பெறலாம். இதற்கு இரண்டு எளிய வழிகள் உள்ளன:

ஜீவன் பிரமான் போர்ட்டல் மூலம்

• உங்கள் லேப்டாப், மொபைல் அல்லது கணினியில் கைரேகை/கருவிழி ஸ்கேனரை இணைக்கவும்.
• jeevanpramaan.gov.in என்ற இணையதளத்திற்குச் செல்லவும்.
• “Get a Certificate” என்ற விருப்பத்தை கிளிக் செய்யவும்.
• செயலியைப் பதிவிறக்கம் செய்து, உங்கள் ஆதார் எண் மற்றும் PPO எண்ணை உள்ளிடவும்.
• பயோமெட்ரிக்ஸ் ஸ்கேன் செய்யவும்.
• சரிபார்ப்புக்குப் பிறகு உங்கள் டிஜிட்டல் சான்றிதழ் உருவாக்கப்பட்டு, தானாகவே வங்கி அல்லது தபால் நிலையத்திற்கு அனுப்பப்படும்.

UMANG செயலி மூலம்

• உங்கள் மொபைலில் UMANG செயலியைப் பதிவிறக்கம் செய்யவும்.
• தேடுதல் பெட்டியில் “Jeevan Pramaan” என டைப் செய்யவும்.
• “Generate Life Certificate” என்பதை கிளிக் செய்யவும்.
• ஆதார் மற்றும் PPO எண்ணை உள்ளிடவும்.
• பயோமெட்ரிக் சரிபார்ப்பைச் செய்யவும். சான்றிதழ் உருவாக்கப்படும்.
• இந்த சான்றிதழ் நேரடியாக சம்பந்தப்பட்ட வங்கி அல்லது துறைக்கு அனுப்பப்படும்.

ஆஃப்லைன் முறை

ஆன்லைன் முறையைப் பயன்படுத்த விரும்பாதவர்கள் வங்கி, தபால் நிலையம் அல்லது பொது சேவை மையம் ஆகியவற்றிற்குச் சென்று ஆயுள் சான்றிதழை சமர்ப்பிக்கலாம்.