கரூர் மாவட்டம் குளித்தலையில் உள்ள வழிபாட்டு தளம் ஒன்றில் நடைபெற்ற திருவிழாவின் போது, அப்பகுதி பட்டறை தெருவை சேர்ந்த ஷாம் சுந்தர் என்ற இளைஞரை சத்தியா என்ற இளைஞர் குத்தி படுகொலை செய்தார்.
இந்த வழக்கில் 17 வயது இளைஞர் உட்பட 5 இளைஞர்கள் கைது செய்யப்பட்டு சிறையில் அடைக்கப்பட்டனர். இந்த நிலையில், இறந்த இளைஞர் ஷாம் சுந்தர் படத்தை வாட்ஸ் அப் ஸ்டேட்டஸ் வைத்து ” நீ சிந்திய ரத்தம் வீண் போகாது பழிக்கு பழி வாங்குவோம்” என பதிவிட்ட சத்தீஸ்வரன் என்ற இளைஞரை போலீசார் கைது செய்தனர்.
அவர் மீது 5 பிரிவுகளின் கீழ் வழக்கு பதிவு செய்த போலீசார், நீதிமன்றத்தில் ஆஜர்படுத்தி சிறையில் அடைத்தனர்.