நடிகர் விஜய் நடித்த ‘ஜனநாயகன்’ திரைப்படம், பொங்கலை முன்னிட்டு ஜனவரி 9 ம் தேதி வெளியாகும் என அறிவிக்கப்பட்டிருந்தது. ஆனால், சர்ச்சைக்குரிய காட்சிகள் காரணமாக இதுவரை தணிக்கைச் சான்றிதழ் வழங்கப்படவில்லை. இதனால் ரிலீஸ் தேதி ஒத்திவைக்கப்பட்டுள்ளது.
தணிக்கைச் சான்றிதழ் தாமதமானதால், தயாரிப்பு நிறுவனம் அவசர வழக்காக சென்னை உயர் நீதிமன்றத்தில் மனு தாக்கல் செய்தது. இது தொடர்பான தீர்ப்பு இன்று (ஜனவரி 9) வெளியாகும் என அறிவிக்கப்பட்டிருந்து.
இந்நிலையில், ஜனநாயகன் படத்திற்கு U/A சென்சார் சான்றிதழ் வழங்க நீதிமன்றம் உத்தரவிட்டுள்ளது. மேலும் மறுஆய்வுக்கு அனுப்பிய உத்தரவையும் நீதிமன்றம் ரத்து செய்துள்ளது. இதனை தொடர்ந்து படத்தின் ரிலீஸ் தேதியை படக்குழு விரைவில் அறிவிக்கலாம் என எதிர்பார்க்கப்படுகிறது.
