விஜய், தற்போது எச்.வினோத் இயக்கத்தில் ‘ஜனநாயகன்’ படத்தில் நடித்து முடித்துள்ளார். இந்த படம், அடுத்த ஆண்டு (2026) பொங்கல் பண்டிகையில் திரைக்கு வருகிறது.
இதில் பூஜா ஹெக்டே, மமிதா பைஜு, பிரியாமணி, பாபி தியோல், கவுதம் மேனன், நரேன் ஆகியோர் நடித்துள்ளனர். இந்த படத்திற்கு அனிருத் இசையமைத்துள்ளார். விஜய் நடிக்கும் கடைசி படம் என்று கருதப்படுவதால், ‘ஜனநாயகன்’ படத்துக்கு பெரும் எதிர்பார்ப்பு எழுந்துள்ளது.
இந்த நிலையில், ஜனநாயகன் திரைப்படத்தின் நீளம் தொடர்பான தகவல் வெளியாகியுள்ளது. அதன்படி ஜனநாயகன் படத்தின் நீளம் 2 மணி நேரம் 50 நிமிடங்கள் என கூறப்படுகிறது.
விஜய்யின் கடைசி படம் என்பதால் ஜனநாயகன் படத்துடன் விஜய்க்காக உருவாக்கப்பட்ட சிறப்பு வீடியோவையும் (16 நிமிடங்கள்) படக்குழு இணைத்துள்ளது என தகவல் வெளியாகியுள்ளது.
