தமிழர்களின் பாரம்பரிய பொங்கல் பண்டிகை வருகிற 15-ஆம் தேதியும், மாட்டுப் பொங்கல் 16-ஆம் தேதியும் கொண்டாடப்படுகிறது. இதை முன்னிட்டு தமிழக பள்ளிக்கல்வித்துறை, 14-ஆம் தேதி போகிப் பண்டிகையிலிருந்து 5 நாட்கள் பள்ளிகளுக்கு விடுமுறை அறிவித்துள்ளது.
அரசு, அரசு உதவி பெறும், தனியார் பள்ளிகள் உட்பட தமிழகம் முழுவதும் உள்ள அனைத்து பள்ளிகளுக்கும் 14-ஆம் தேதி (செவ்வாய்க்கிழமை) முதல் 18-ஆம் தேதி (சனிக்கிழமை) வரை விடுமுறை அளிக்கப்பட்டுள்ளது.
விடுமுறைக்குப் பின் 19-ஆம் தேதி (திங்கட்கிழமை) அன்று பள்ளிகள் வழக்கம்போல் இயங்கும். என பள்ளிக்கல்வித்துறை தெரிவித்துள்ளது.
