உலகம் முழுக்க அமைதி பேசப்பட்டாலும், அதே உலகம் தான் அதிகமாய் அணு ஆயுதங்களை கையகத்தில் வைத்திருக்கிறது. எப்போது எது நடக்கும் எனத் தெரியாத சூழலில், இந்த அணு ஆயுதங்களின் எண்ணிக்கை அதிகரிப்பதே மிகப்பெரிய ஆபத்து.
அதிகமான அணு ஆயுதங்களை வைத்துள்ள நாடுகளின் பட்டியலில், ரஷ்யா முதலிடத்தில் உள்ளது. மொத்தம் 5,449 அணு ஆயுதங்கள் வைத்துள்ள ரஷ்யா, உக்ரைனுடன் நடத்திய போரில் கூட இந்த பயங்கர ஆயுதங்களை பயன்படுத்தவில்லை என்றாலும், அதைப் பற்றிய அச்சம் தான் போரை விட அதிகம் பேசப்பட்டது.
அடுத்த இடத்தில் இருக்கும் அமெரிக்கா, 5,277 அணு ஆயுதங்களுடன் ஒரு பயங்கர சக்தியாக இருக்கிறது. இந்தப் பட்டியலில் அமெரிக்காவின் பெயர் வந்தாலே 1945-ம் ஆண்டு ஜப்பானில் வீசப்பட்ட ‘லிட்டில் பாய்’ மற்றும் ‘பெட் மேன்’ என்ற அணு குண்டுகள் நம் நினைவுக்கு வந்து விடுகிறது.
மூன்றாவது இடத்தில் சீனா, சுமார் 600 அணு ஆயுதங்கள் வைத்திருக்கிறது. இது ரஷ்யாவோ, அமெரிக்காவோ போன்ற அளவுக்கு இல்லையென்றாலும், அதன் வளர்ச்சி வேகம் உலகத்தை கவலைக்குள்ளாக்குகிறது.
இதற்கடுத்த இடத்தில் பிரான்ஸ், சுமார் 290 அணு ஆயுதங்களுடன் இருக்கிறது. ஐந்தாம் இடத்தில் இங்கிலாந்து, 225 அணு ஆயுதங்களை வைத்துள்ளது.
ஆறாம் இடத்தில் இந்தியா, சுமார் 180 அணு ஆயுதங்கள் வைத்திருப்பதுடன், அதற்கான நெருங்கிய போட்டியாளராக பாகிஸ்தான், 170 அணு ஆயுதங்கள் வைத்திருப்பது குறிப்பிடத்தக்கது. இந்தியா – பாகிஸ்தான் போல், எல்லையில் பதற்றம் அதிகம் உள்ள நாடுகளிடம் அணு ஆயுதங்கள் இருப்பது உலக அமைதிக்கு ஒரு எச்சரிக்கையாகவே பார்க்கப்படுகிறது.
இப்படியாக, உலக நாடுகள் ஒன்று மீது ஒன்று முன்னிலை பெற அணு ஆயுதங்களை கையாண்டு வரும் நிலையில், மனித இனத்தின் பாதுகாப்புக்காக அமைதி மற்றும் நம்பிக்கையிலான நடவடிக்கைகளே பசுமை எதிர்காலத்துக்கு வழிகாட்டும்.