எச். வினோத் இயக்கத்தில் விஜய் நடிப்பில் உருவாகிவரும் படம் ‘ஜனநாயகன்’. இந்த படம் 2026ஆம் ஆண்டு பொங்கல் பண்டிகையன்று திரைக்கு வர உள்ளது. இதில் பூஜா ஹெக்டே, மமிதா பைஜு, பிரியாமணி, பாபி தியோல், கவுதம் மேனன், நரேன் போன்ற முன்னணி நடிகர்கள் நடித்துள்ளனர். இசையமைப்பாளர் அனிருத் ரவிச்சந்திரன் இசையமைத்து வருகிறார்.
இது விஜய்யின் கடைசி படம் என்பதால் ‘ஜனநாயகன்’ படம் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது. தீபாவளிக்கு பர்ஸ்ட் சிங்கிள் வெளியாகும் என எதிர்பார்ப்பு இருந்தபோதிலும், கரூர் சம்பவத்துக்குப் பிறகு படக்குழுவினர் அப்டேட் வெளியிடாமல் இருந்தனர்.
தற்போது, ‘ஜனநாயகன்’ பர்ஸ்ட் சிங்கிளை நவம்பர் மாதம் முதல் வாரத்தில் வெளியிட திட்டமிட்டுள்ளதாக தகவல்கள் வெளியாகியுள்ளது. இதனால் விஜய் ரசிகர்களில் பெரும் உற்சாகம் அடைந்துள்ளனர்.
