நாட்டின் 75-வது சுதந்திர தின விழா இந்தியாவின் கலாச்சார அமைச்சகம் சார்பில் மார்ச் 12-ம் தேதியில் இருந்து ஆகஸ்ட் 15-ம் தேதி வரை கொண்டாடப்பட்டுவருகிறது.
சுதந்திர போராட்ட வீரர்கள் மற்றும் வரலாற்று சம்பவங்களை நினைவு கூறும் பல்வேறு நிகழ்வுகள் நாடு முழுவதும் மேற்கொள்ளப்பட்டு வருகிறது.
அந்த வகையில்,ஆகஸ்ட் 15-ம் தேதி சுதந்திர தின அமுதப்பெருவிழா நாடுமுழுவதும் கோலாகலமாக கொண்டாடப்படுகிறது.
அரசு அலுவலகங்கள்,பள்ளிகள் என அனைத்து இடங்களிலும் தேசியக்கொடியேற்றி மரியாதை செலுத்தும் நிகழ்ச்சிகள் நடைபெற்றுவருகிறது.
அதன்படி தேசிய புலனாய்வு முகமையின் தமிழக தலைமை அலுவலகத்தில் 75-வது சுதந்திரதின அமுதப் பெருவிழாவையொட்டி தேசியக்கொடியேற்றும் நிகழ்ச்சி நடைபெற்றது.
சென்னை புரசைவாக்கத்தில் உள்ள தேசிய புலனாய்வு முகமையின் அலுவலக வளாகத்தில் காவல் கண்காணிப்பாளர் ஸ்ரீஜித் திரவியம் IPS தேசியக்கொடியேற்றி மரியாதை செலுத்தினார்
அதன் பின்னர்,உள்துறை அமைச்சகம் சார்பில் காவல்துறையில் அர்ப்பணிப்புடன் தன்னலமற்ற சேவை செய்து வரும் அதிகாரிகளுக்கு விருதுகள் வழங்கப்பட்டது.
சிறப்பு காவல் பிரிவில் 25 ஆண்டுகள் சிறப்பாக பணியாற்றி வருவோருக்கு உள்துறை அமைச்சகத்தால் வழங்கப்படும் Ati Utkrisht Medal-ஐ ANS நாயுடுவுக்கு,15 ஆண்டுகள் அர்ப்பணிப்புடன் பணியாற்றியவர்களுக்கு வழங்கப்படும் Utkrisht Medal-ஐ செந்தில்குமாருக்கும் வழங்கி தேசிய புலனாய்வு முகமையின் SP
ஸ்ரீஜித் திரவியம் பாராட்டு தெரிவித்தார்.சிறப்பாக பணியாற்றி வரும் அருண் மகேஷ் என்ற அதிகாரிக்கும் விழாவில் பாராட்டும்-வாழ்த்தும் தெரிவிக்கப்பட்டது
சுதந்திர தினவிழாவையொட்டி தேசியப்புலனாய்வு முகமை அலுவலகம் வண்ண பலூன்கள் மற்றும் விளக்குகளால் அலங்கரிக்கப்பட்டிருந்தது.
தேசியக்கொடியேற்றும் நிகழ்ச்சியில் NIA-வின் தமிழக பிரிவு அதிகாரிகள்,அலுவலர்கள் உள்ளிட்ட அனைவரும் கலந்துகொண்டனர்
