விடுமுறை என்றாலே மாணவர்கள் முதல் அரசு ஊழியர்கள் வரை அனைவருக்கும் உற்சாகம்தான். பள்ளி, கல்லூரி மாணவர்கள் நண்பர்களுடன் விளையாடவும், குடும்பத்தினருடன் நேரத்தை செலவிடவும், வெளியூர் சுற்றுலா செல்லவும் விடுமுறை நாட்களை எதிர்பார்த்து காத்திருப்பார்கள். அந்த வகையில் செப்டம்பர் மாதம் தொடக்கமே மாணவர்கள் மற்றும் பொதுமக்களுக்கு மகிழ்ச்சியான செய்தியை வழங்கியுள்ளது.
செப்டம்பர் மாதத்தின் முதல் வாரத்திலேயே தொடர்ந்து 3 நாட்கள் விடுமுறை கிடைக்க உள்ளது. செப்டம்பர் 4ஆம் தேதி வெள்ளிக்கிழமை கிருஷ்ண ஜெயந்தியை முன்னிட்டு அரசு விடுமுறை அறிவிக்கப்பட்டுள்ளது. இதனைத் தொடர்ந்து செப்டம்பர் 5ஆம் தேதி சனிக்கிழமை மற்றும் செப்டம்பர் 6ஆம் தேதி ஞாயிற்றுக்கிழமை என்பதால், தொடர்ந்து மூன்று நாட்கள் விடுமுறை கிடைக்கிறது.
இந்த தொடர் விடுமுறையால் பள்ளி, கல்லூரி மாணவர்கள் மிகுந்த உற்சாகத்தில் உள்ளனர். நண்பர்களுடன் சுற்றுலா செல்லவும், குடும்பத்துடன் சொந்த ஊர்களுக்கு பயணம் மேற்கொள்ளவும் பலர் திட்டமிட்டு வருகின்றனர். அரசு ஊழியர்களும் இந்த வாய்ப்பை பயன்படுத்தி உறவினர்களை சந்திக்கவும், குடும்பத்தினருடன் நேரத்தை செலவிடவும் திட்டமிடலாம்.
தொடர் விடுமுறை காரணமாக பேருந்து, ரயில் உள்ளிட்ட பொது போக்குவரத்து சேவைகளில் பயணிகள் கூட்டம் அதிகரிக்க வாய்ப்புள்ளது. எனவே வெளியூர் செல்ல திட்டமிடுபவர்கள் முன்கூட்டியே பயணச்சீட்டு மற்றும் தங்குமிடங்களை ஏற்பாடு செய்வது நல்லது. மூன்று நாள் விடுமுறை காரணமாக செப்டம்பர் மாத தொடக்கமே பலருக்கும் கொண்டாட்டமாக அமைய உள்ளது.
