2026-ம் ஆண்டு நடைபெற உள்ள சட்டசபை தேர்தலை முன்னிட்டு தமிழக வெற்றிக்கழக தலைவர் விஜய்,’உங்க விஜய் நான் வரேன், மக்கள் சந்திப்பு பிரசாரம்’ என்ற பெயரில் தமிழகம் முழுவதும் சுற்றுப்பயணத்தை கடந்த 13-ந்தேதி முதல் தொடங்கி உள்ளார்.
முதற்கட்ட சுற்றுப்பயணம் திருச்சி மரக்கடை எம்.ஜி.ஆர். சிலை பகுதியில் இருந்து தொடங்கியது.இதனைத் தொடர்ந்து தமிழகத்தின் பல்வேறு மாவட்டங்களுக்கும் சென்று அவர் பிரசாரம் செய்ய உள்ளார். இந்த பிரசாரம் பெரும்பாலும், சனிக்கிழமை நாட்களில் நடத்த திட்டமிடப்பட்டுள்ளது.2-கட்ட பிரசாரத்தை நாகையில் விஜய் {செப் 20}மேற்கொண்டார்.
அடுத்ததாக வரும் 27ம் தேதி சேலத்தில் சுற்றுப்பயணம் மேற்கொள்ள இருந்த த.வெ.க தலைவர் விஜயின் திட்டத்தில் மாற்றம் செய்யப்பட்டுள்ளது, அதாவது, வரும் 27ம் தேதி சேலத்திற்கு பதில் கரூரில் த.வெ.க தலைவர் விஜய் பிரச்சாரம் செய்ய உள்ளதாக தகவல் வெளியாகியுள்ளது.
