ரத்த அழுத்தம் உள்ளவர்கள் தினமும் இளநீர் குடிக்கலாமா?

இளநீரில் பொட்டாசியம் மற்றும் மெக்னீசியம் போன்ற முக்கிய சத்துக்கள் அதிகமாக உள்ளதால், உயர் ரத்த அழுத்தம் உள்ளவர்களுக்கு இது ஒரு நல்ல தேர்வாகும். குறிப்பாக, இளநீரில் உள்ள பொட்டாசியம் உடலில் அதிகமாக இருக்கும் சோடியத்தை குறைக்க உதவுகிறது. இதனால் ரத்த நாளங்கள் தளர்ந்து, ரத்த அழுத்தம் குறைய வாய்ப்பு உள்ளது.

ஆனால், ரத்த அழுத்தத்திற்கான மருந்துக்கு மாற்றாக இளநீரை பயன்படுத்தக்கூடாது. அதேபோல், இளநீரை அளவுக்கு அதிகமாக குடிப்பதும் தீங்கு விளைவிக்கலாம். பொதுவாக, தினமும் 300 மில்லி முதல் 500 மில்லி வரை இளநீர் குடிப்பது பாதுகாப்பானதாக ஆய்வுகள் தெரிவிக்கின்றன.

எனினும், ரத்த அழுத்தத்திற்காக மருந்து எடுத்துக் கொண்டிருப்பவர்கள், இளநீரை எவ்வளவு அளவில் குடிக்கலாம் என்பதற்கு முன் மருத்துவரின் ஆலோசனையைப் பெறுவது அவசியம்.