‘அதே கருப்பு மையுடன் இந்த இடத்துக்கு போங்க’ – அண்ணாமலை வேண்டுகோள்

இந்தி திணிப்புக்கு எதிர்ப்பு தெரிவித்து ரயில் நிலையங்களில் பெயர் பலகையில் இருக்கும் இந்தி எழுத்துக்களை திமுகவினர் கருப்பு மை பூசி அழித்து வருகின்றனர்.

இந்நிலையில் தமிழக பாஜக தலைவர் அண்ணாமலை கூறியதாவது : அமைச்சர் தர்மேந்திர பிரதான், மும்மொழிக் கொள்கை இந்தியை மூன்றாவது மொழியாக கட்டாயப்படுத்தவில்லை என்றும், பல மொழிகளில் இது ஒரு விருப்பமான மூன்றாவது மொழி மட்டுமே என்றும் பலமுறை தெளிவுபடுத்தியுள்ளார். திமுக வேண்டுமென்றே மக்களை ஏன் குழப்புகிறது?

இந்தியை கருப்பு மை பூசி அழிப்பவர்கள் அதே கருப்பு மையுடன் அமலாக்க இயக்குநரகம் மற்றும் வருமான வரி அலுவலகத்திற்குச் செல்லுமாறு நாங்கள் தாழ்மையுடன் பரிந்துரைக்கிறோம். மு.க.ஸ்டாலின் தனது I.N.D.I. கூட்டணி கூட்டாளிகளையும் தமிழ்நாட்டிற்கு அழைத்து வந்து அவர்களுக்கும் ஒரு பெட்டி கருப்பு வண்ணப்பூச்சு கொடுக்க வேண்டும்” என அண்ணாமலை தனது பதிவில் குறிப்பிட்டு உள்ளார்.