ஹானர் நிறுவனம் முன்பே அறிவித்ததுபோல், சீன சந்தையில் ஹானர் பவர் 2 ஸ்மார்ட்போனை அதிகாரப்பூர்வமாக அறிமுகம் செய்துள்ளது. இந்த ஸ்மார்ட்போன் 6.79 இன்ச் அளவிலான 1.5K ரெசல்யூஷன் கொண்ட 120Hz AMOLED டிஸ்ப்ளேவை கொண்டுள்ளது. இதுடன் புதிய மீடியாடெக் டிமென்சிட்டி 8500 எலைட் சிப்செட் வழங்கப்பட்டுள்ளது. இந்த பிராசஸரை பயன்படுத்தி வெளியான முதல் ஸ்மார்ட்போன் ஹானர் பவர் 2 என்பதும் குறிப்பிடத்தக்கது.
இந்த ஸ்மார்ட்போனின் முக்கிய சிறப்பம்சமாக 10,080mAh திறன் கொண்ட நான்காம் தலைமுறை சிலிகான்-கார்பன் பேட்டரி வழங்கப்பட்டுள்ளது. இந்த பேட்டரிக்கு ஆறு வருட வாரண்டியும் வழங்கப்படுகிறது. ஹானர் நிறுவனத்தின் வின் சீரிஸ் மாடல்களுக்கு அடுத்ததாக, 10,000mAh பேட்டரி பிரிவில் அறிமுகமாகும் இரண்டாவது ஸ்மார்ட்போன் இதுவாகும்.
மிகப்பெரிய பேட்டரியை கொண்டிருந்தாலும், இந்த போனின் எடை வெறும் 216 கிராம் மட்டுமே. இதன் தடிமன் 8 மில்லிமீட்டருக்கும் குறைவாக உள்ளது. ஹானர் பவர் 2 ஸ்மார்ட்போன் 80W ஃபாஸ்ட் சார்ஜிங் வசதியையும், 27W ரிவர்ஸ் வயர்டு சார்ஜிங் வசதியையும் கொண்டுள்ளது.
மேலும், இந்த ஸ்மார்ட்போன் தனித்துவமான பவர் சிக்னல் ஐலேண்ட் வடிவமைப்பு, ஹானர் நிறுவனத்தால் உருவாக்கப்பட்ட RF மேம்பாட்டு சிப் C1+ மற்றும் புதுமையான இணையான இரட்டை-ரெயில் ஆண்டெனா வடிவமைப்பையும் கொண்டுள்ளது.
ஹானர் பவர் 2 ஸ்மார்ட்போனின் முக்கிய அம்சங்கள் வருமாறு:
6.79 இன்ச் (2640 × 1200 பிக்சல்கள்) 1.5K AMOLED 120Hz டிஸ்ப்ளே
ஆக்டா கோர் மீடியாடெக் டிமென்சிட்டி 8500 எலைட் 4nm பிராசஸர்
மாலி-G720 MCU GPU
12GB LPDDR5X ரேம்
256GB / 512GB UFS 4.1 இன்டர்னல் மெமரி
ஆண்ட்ராய்டு 16 அடிப்படையிலான மேஜிக் ஓஎஸ் 10.0
டூயல் சிம் வசதி
50MP முதன்மை கேமரா (OIS ஆதரவு)
5MP அல்ட்ரா-வைடு கேமரா
16MP முன்பக்க செல்ஃபி கேமரா
இன்-டிஸ்ப்ளே கைரேகை சென்சார்
இன்ஃப்ராரெட் சென்சார்
யுஎஸ்பி டைப்-சி ஆடியோ, ஸ்டீரியோ ஸ்பீக்கர்கள்
நீர் மற்றும் தூசி எதிர்ப்பு (IP69K, IP69, IP68, IP66)
5G SA/NSA, டூயல் 4G VoLTE, வைபை 6, ப்ளூடூத் 6.0
10,080mAh பேட்டரி
80W சூப்பர்சார்ஜ், 27W ரிவர்ஸ் வயர்டு சார்ஜிங்
ஹானர் பவர் 2 ஸ்மார்ட்போன் சன்ரைஸ் ஆரஞ்சு, ஸ்னோ வைட் மற்றும் பேண்டம் பிளாக் ஆகிய வண்ணங்களில் கிடைக்கிறது. சீன சந்தையில் வரும் 9ஆம் தேதி முதல் விற்பனைக்கு வரும் இந்த ஸ்மார்ட்போனின் 12GB ரேம் + 256GB மெமரி மாடல் இந்திய மதிப்பில் சுமார் ரூ.34,840 ஆகவும், 12GB ரேம் + 512GB மெமரி மாடல் சுமார் ரூ.38,710 ஆகவும் விற்பனை செய்யப்படும்.
