சென்னையில் இன்று ஆபரணத் தங்கத்தின் விலை மீண்டும் உயர்ந்துள்ளது. கடந்த சில நாட்களாக தொடர்ந்து சரிவைக் கண்ட தங்கம், நேற்று கிராமுக்கு ரூ.60 மற்றும் சவரனுக்கு ரூ.480 குறைந்து விற்பனையானது.
அதன்படி, நேற்று ஒரு கிராம் தங்கம் ரூ.13,155-க்கும், ஒரு சவரன் ரூ.1,05,240-க்கும் விற்பனை செய்யப்பட்டது. இந்நிலையில், இன்று தங்கத்தின் விலையில் மீண்டும் உயர்வு ஏற்பட்டுள்ளது.
ஒரு கிராம் தங்கத்தின் விலை ரூ.75 அதிகரித்து ரூ.13,230-ஆகவும், ஒரு சவரன் ரூ.600 உயர்ந்து ரூ.1,05,840-ஆகவும் நிர்ணயிக்கப்பட்டுள்ளது.
இதனால் நகை வாங்கத் திட்டமிட்டிருந்த பொதுமக்கள் கூடுதல் செலவைச் சந்திக்க வேண்டிய நிலை ஏற்பட்டுள்ளது.
மறுபுறம், வெள்ளி விலையில் தொடர்ந்து மூன்றாவது நாளாக எந்த மாற்றமும் இல்லை. ஒரு கிராம் வெள்ளி ரூ.235-க்கும், ஒரு கிலோ பார் வெள்ளி ரூ.2,35,000-க்கும் விற்பனை செய்யப்படுகிறது.
தங்கத்தின் விலை ஏற்றம் கண்டாலும், வெள்ளி விலை நிலைத்திருப்பது வாடிக்கையாளர்களுக்கு ஓரளவு ஆறுதலாக உள்ளது. சர்வதேச சந்தை நிலவரம் மற்றும் டாலர் மதிப்பில் ஏற்படும் மாற்றங்கள் தங்கத்தின் விலையில் தாக்கத்தை ஏற்படுத்தி வருவதாக வணிக வட்டாரங்கள் தெரிவிக்கின்றன.
